Kisah Boko Rasul 11:16 - Porjanjian Boharu Torjomahan Baso Dilakng Soari-ari

¹⁶ Lopas nian aku ingant agi' pomandiran Yesus, Tuhatn kito. Kato-Nyo, ‘Yohanes mombaptis urakng agatn ara'i, apo kaitn paca'an dibaptis agatn Roh Allah.’

Kisah Boko Rasul 11:16 ပူးပေါင်းရင်းမြစ်များ

Matius 3:11

Ado Urakng inyo paca'an datakng lopas aku. Sio lobih bokuaso daripadoku. Malahan monjadi hulutn-Nyo inyo palikng babah pan, aku kinyo cucu'. Aku mombaptis urakng agatn ara'i pakai' monunju'an obai sia' udah botongga' bulah dosa huatan monyonangan hati Allah. Apo Sio paca'an mombaptis urakng agatn Roh Allah ongko api.

Matius 3:6

Sia' moaku'i boko dosa sia' huatan Yohanes mombaptis sia' di Sungai Yordan.

Markus 1:8

Aku bayo mombaptis kaitn agatn ara'i. Apo Sio tajahan mombaptis kaitn agatn Roh Allah.”

Lukas 24:8

Lalu toingant'am boko botina' agatn boko pomandiran Yesus nantai.

Lukas 3:16

Yohanes monimbas, “Aku bukainyo Rajo Inyo Dijanjian Allah. Apo kinyo manah agi' Sio tajahan datakng. Sio lobih bokuaso tangga'i Aku. Monjadi hulutn-Nyo inyo kotakng babah pan, aku co cucu'. Aku ongkah mombaptis urakng agatn ara'i. Apo Sio tajahan mombaptis urakng agatn Roh Allah huatan agatn api.

Yohanes 1:26

Timbas Yohanes ko sia', “Aku ongkah mombaptis urakng agatn ara'i. Apo ado Urakng di tongah-tongah kaitn inyo kinyo kaitn konal sopo Sio sobondarnyo.

Yohanes 1:33

Watu nantai, aku co tohu sopo Sio. Apo Allah inyo moutus aku pakai' mombaptis agatn ara'i, udah bopandir ko aku, ‘Aman kolai moniant Roh Allah turutn ko pucu' siku' urakng, lalu mohinggap di pucu'-Nyo, jadi urakng nantaiam Urakng inyo paca'an mombaptis agatn Roh Allah.’

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.