Kisah Boko Rasul 11:13 - Porjanjian Boharu Torjomahan Baso Dilakng Soari-ari

¹³ Urakng bukai Yahudi nantai bokisah ko koi. Io udah moniant molekat bodiritn di rumahnyo. Molekat nantai bopandir ko io, ‘Siuh boboropo urakng ko kota Yope pakai' mocaki siku' urakng inyo bodamo Simon, inyo jam disobut Petrus.

Kisah Boko Rasul 11:13 ပူးပေါင်းရင်းမြစ်များ

Kisah Boko Rasul 10:22

Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Kisah Boko Rasul 11:12

Ongko, Roh Allah bopandir ko aku pakai' co gangga'-gua'an. Roh Allah monyiuh aku tuyut sia' ko kota Kaisarea. Koonam somadikan ni'in inyo tongahan ado di si'itn sokarakng, sia' jam tuyut samoan agatn aku doi' kota Yope nantai. Watu koi sampai ko Kaisarea, koi mansu' ko dalapm rumah urakng inyo moningkau aku.

Kisah Boko Rasul 11:14

Io paca'an monyampaian borito ko kolai huatan somuo urakng inyo ado dalapm rumah kolai. Io paca'an momboritoan mongona'i caro kaitn ulih disolamant'an doi' hukupan dosa.’

Kisah Boko Rasul 12:11

Watu nantai jam, Petrus monjadi sadar la'apo inyo udah tojadi. Katonyo, “Ni'inan aku tohu ni'in bondar-bondar tojadi. Tuhatn Allah udah mongiripm molekat-Nyo ko aku. Sio monyolamant'an aku doi' kuaso Herodes. Herodes honda' mohukupm mati aku. Boko pomimpitn Yahudi pan mongohonda'i hal nantai paca'an tojadi. Apo Tuhatn Allah monyolamant'an aku doi' somuonyo nantai.”

Kisah Boko Rasul 9:36

Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro.

Kisah Boko Rasul 9:38

Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”

Kisah Boko Rasul 9:42

Borito mongona'i mujisat nantai toborito ko soluruh kota Yope. Jadi, banya' urakng monjadi pocayo ko Tuhatn Yesus.

Kisah Boko Rasul 9:43

Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng. Damonyo Simon.

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.