Kisah Boko Rasul 11:12 - Porjanjian Boharu Torjomahan Baso Dilakng Soari-ari

¹² Ongko, Roh Allah bopandir ko aku pakai' co gangga'-gua'an. Roh Allah monyiuh aku tuyut sia' ko kota Kaisarea. Koonam somadikan ni'in inyo tongahan ado di si'itn sokarakng, sia' jam tuyut samoan agatn aku doi' kota Yope nantai. Watu koi sampai ko Kaisarea, koi mansu' ko dalapm rumah urakng inyo moningkau aku.

Kisah Boko Rasul 11:12 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

Kisah Boko Rasul 10:45

Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi.

Kisah Boko Rasul 11:13

Urakng bukai Yahudi nantai bokisah ko koi. Io udah moniant molekat bodiritn di rumahnyo. Molekat nantai bopandir ko io, ‘Siuh boboropo urakng ko kota Yope pakai' mocaki siku' urakng inyo bodamo Simon, inyo jam disobut Petrus.

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

Kisah Boko Rasul 13:4

Roh Allah mombimbikng Barnabas ongko Saulus doi' sobuah tompat ko tompat inyo bukai. Jadi, sia' botula' doi' kota Antiokhia ko polabuhan Seleukia. Doi' santai sia' bolayar ko polabuhan Salamis di pulau Siprus.

Kisah Boko Rasul 15:7

Manah bondar sia' mombahas mosalah nantai. Lopas nantai, rasul Petrus bodiritn. Katonyo, “Boko somadikan! Kaitn tohu obai Allah udah momilih aku doi' antaro kaitn. Boboropo watu inyo komai, Allah momilih aku pakai' momboritoan Kabar Boi' ko boko urakng inyo bukainyo urakng Yahudi. Allah molabuhan nantai oca' sia' ulih mondinga' ongko monjadi pocayo agatn Yesus.

Kisah Boko Rasul 28:15

Boko urakng pocayo doi' kota Roma udah mondinga' borito mongona'i koi. Jadi, ado doi' sia' datakng monomu'i koi di laman Balai Apius. Inyo bukainyo botomu koi di laman Balai Tigo. Timpu Paulus moniant sia' somuo, io bosukur ko Allah. Hatinyo mongkitn dikuatan.

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

Roma 3:22

Ia'an, urakng monjadi bondar di hadapan Allah agatn caro pocayo ko Yesus Kristus. Caronyo samo pakai' somuo urakng. Dalapm hal nantai, urakng Yahudi kinyo ado bedanyo doi' urakng bukai Yahudi.

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.