Kisah Boko Rasul 10:48 - Porjanjian Boharu Torjomahan Baso Dilakng Soari-ari

⁴⁸ Ongko, Petrus monyiuh oca' boko urakng inyo bukainyo urakng Yahudi nantai dibaptis pakai' monunju'an obai sia' pocayo agatn Yesus. Lopas nantai, Kornelius huatan sia' inyo bukainyo mominto Petrus pakai' tinggal bosamo sia' somanah boboropo ari.

Kisah Boko Rasul 10:48 ပူးပေါင်းရင်းမြစ်များ

Yohanes 4:2

(Apo sobondarnyo boko murid Yesus inyo mombaptis urakng, kinyo Yesus mombaptis).

Yohanes 4:40

Pas boko urakng Samaria datakng ko Yesus, sia' kotakan muhun oca' Sio diapm agatn sia'. Jadi, Sio bodiapm di santai somanah duo ari.

Kisah Boko Rasul 16:15

Io huatan somuo urakng inyo bodiapm di rumahnyo dibaptis. Ongko, Lidia mohundakng koi ko rumahnyo. Katonyo, “Aman kaitn moanggap obai aku bondar-bondar pocayo ko Tuhatn Yesus, huncapm bujakng ko rumah aku.” Obai io monyosahan, jadi koi monorima' tawarannyo nantai.

Kisah Boko Rasul 19:5

Timpu sia' mondinga' hal nantai, sia' dibaptis pakai' monunju'an obai sia' pocayo agatn Tuhatn Yesus.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 8:12

Apo Filipus momboritoan Kabar Boi' mongona'i Koraja'an Allah. Io momboritoan mongona'i kuaso Yesus sobagai Rajo Inyo Dijanjian Allah. Watu Filipus momboritoan somuo nantai, banya' urakng pocayo agatn borito nantai, boi' lolaki damo botina'. Ongko, Filipus mombaptis sia'.

Kisah Boko Rasul 8:16

Urakng pocayo nantai memang udah dibaptis obai pocayo agatn Yesus, Tuhatn inyo bokuaso di pucu' somuonyo. Apo Roh Allah bolupm ado pado sia'.

Galatia 3:27

Kaitn somuo inyo udah dibaptis dalapm damo Kristus. Kaitn udah monorima' Yesus samo sama'an sikuꞌ urakng inyo mongona'an pakai'an inyo boharu