Kisah Boko Rasul 10:47 - Porjanjian Boharu Torjomahan Baso Dilakng Soari-ari

⁴⁷ “Sia' ni'in udah monorima' Roh Allah, samo sama'an kito jam. Jadi, pasti co nyiant alasan agi' urakng inyo morarakng sia' dibaptis agatn ara'i jam!”

Kisah Boko Rasul 10:47 ပူးပေါင်းရင်းမြစ်များ

Kisah Boko Rasul 10:44

Watu Petrus ija' bopandir, Roh Allah turutn momonuhi somuo urakng inyo mondinga' borito nantai.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 8:12

Apo Filipus momboritoan Kabar Boi' mongona'i Koraja'an Allah. Io momboritoan mongona'i kuaso Yesus sobagai Rajo Inyo Dijanjian Allah. Watu Filipus momboritoan somuo nantai, banya' urakng pocayo agatn borito nantai, boi' lolaki damo botina'. Ongko, Filipus mombaptis sia'.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Roma 10:12

Urakng Yahudi ongko urakng bukainyo urakng Yahudi disolamant'an agatn caro inyo samo. Conyiant pobedaan obai ongkah ado siku' Tuhatn inyo bokuaso di pucu' somuo monsio ongko Sio momborokati somuo monsio inyo minto tulukng ko Sio.

Roma 4:11

Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.