Kisah Boko Rasul 10:43 - Porjanjian Boharu Torjomahan Baso Dilakng Soari-ari

⁴³ Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Kisah Boko Rasul 10:43 ပူးပေါင်းရင်းမြစ်များ

Markus 16:16

Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 26:18

Kolai paca'an monulukng sia' oca' mongoroti jadi sia' co hidup dalapm kopocaya'an inyo salah, apo bobali' pocayo inyo bondar. Kolai paca'an monulukng sia' oca' mongoroti jadi sia' kinyo hidup dibabah kuaso Iblis agi', apo bobali' ongko hidup di babah kuaso Allah. Agatn ubo nian, aman sia' pocayo agatn Aku, ongko boko dosa sia' paca'an diamputi. Sia' mondapat tompat di antaro umant Allah.’ Nanam pomandiran Yesus ko Aku.

Kisah Boko Rasul 26:22

Apo Allah molindukiku. Sampai ni'inan aku ija' hidup inya'anpan aku ija' ulih momboritoan mongona'i Yesus ko boko urakng inyo dianggap kinyo pontikng honda' pan boko urakng pontikng. La'apo inyo aku boritoan kinyo bukai doi' la'apo inyo ditulis boko nabi huatan Musa. Pado joman komai sia' momboritoan obai

Kisah Boko Rasul 3:18

Apo agatn caro nantai, Allah monopat'i pomandiran-Nyo inyo udah disampaian ko boko nabi watu joman komai. Boko nabi nantai udah monulis obai Rajo Inyo Dijanjian Allah nantai gola' ajab sonsaro sampai mati.

Roma 10:11

Samo sama'an pomandiran ni'in inyo totulis di Buku Suci: “Somuo urakng inyo pocayo ko Sio, kinyo kalo monjadi malu obai sia' pocayo.”

Roma 3:21

Apo watu ni'in Allah udah monunju'an caronyo monsio ulih monjadi bondar di hadapan-Nyo. Caronyo bukai agatn monaati Hukupm Torat. Apo buku Hukupm Torat huatan boko buku nabi-nabi momadahan mongona'i caro nantai.

Roma 5:1

Watu ni'in, kito udah monjadi bondar obai kito pocayo ko Yesus. Jadi, kito ado damai agatn Allah. Nantai tojadi obai apo inyo Tuhatn Yesus Kristus labuhan pakai' kito.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Roma 8:1

Obai nianam, watu ni'in Allah kinyo mohukupm urakng inyo ado di dalapm Kristus Yesus.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Efesus 1:7

Watu Ana'-Nyo mati di kayu salib, Sio mombayar agatn darah-Nyo pakai' mombebasan kito doi' hukupan dosa. Jadi, molalu'i Ana'-Nyo, Allah moamputi dosa kito. Allah molabuhan somuonyo nantai obai kasih karunia-Nyo inyo kotakng bosar.

Kolose 1:14

Ana'-Nyo, Yesus, inyo monanggukng hukupan dosa kito pakai' mombebasan kito oca' boko dosa kito diamputi.

Ibrani 13:20

Aku bodoa ko Allah inyo moonji'i sonang-asau. Sio mombulah Tuhatn kito, Yesus, bobali' hidup doi' komatian. Agatn sama'an nantai, darah Yesus monsahan pojanjianinyo Allah pulah agatn monsio pakai' somanah-manahnyo. Yesus monjadi Gombala Agukng inyo mombimbikng kito, boko domba-Nyo.

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”