Kisah Boko Rasul 10:41 - Porjanjian Boharu Torjomahan Baso Dilakng Soari-ari

⁴¹ Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Kisah Boko Rasul 10:41 ပူးပေါင်းရင်းမြစ်များ

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Lukas 24:48

Kaitn udah moniant somuonyo nantai. Jadi kaitn gola' momboritoan kabar nantai ko boko urakng bukai.

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Yohanes 14:22

Yudas (Apo bukainyo Yudas Iskariot) bopandir ko Yesus, “Tuhatn, obai apo Duatn honda' monyatoan diri Duatn ko koi, apo kinyo boko urakng bukai di dunia?”

Yohanes 15:16

Bukainyo kaitn inyo momilih Aku, apo Akunam inyo momilih kaitn. Aku moutus kaitn oca' kaitn botula' ongko bobuah lobat, ia'an buah inyo tahatn somanah-manahnyo. Aman kaitn molabuhan nantai lalu, Bopai paca'an moonji'i kaitn lapo inyo kaitn minto doi' Sio dalapm damo-Ku.

Yohanes 15:27

Kaitn pan gola' bosasi mongona'i Aku obai kaitn udah bosamo agatn Aku doi' mulo polayatan-Ku.

Yohanes 21:13

Lopas nantai, Yesus maju monguti' roti lalu moonju'nyo ko sia', ubo nantai jam ikatn nantai.

Kisah Boko Rasul 1:4

Timpu dalapm watu ompat puluh ari nantai, Yesus tongahan makatn bosamo agatn sia'. Sio bopandir, “Jangan botula' doi' kota Yerusalem ni'in. Bodiapm ja'am di si'itn monantian la'apo inyo udah dijanjian Bopai-Ku. Aku udah kalo momadahan ko kaitn mongona'i nantai.

Kisah Boko Rasul 10:39

Yesus molabuhan polayatan-Nyo di soluruh doerah urakng Yahudi, tomansu' kota Yerusalem. Koi boko rasul-Nyo moniant agatn mato koi siku' somuo polayatan-Nyo nantai. Di kota Yerusalem nantai, boko urakng mombunuh Sio di kayu salib.

Kisah Boko Rasul 13:31

Somanah boboropo ari, Yesus moniant'an diri boulakng-ulakng kali. Sio moniant'an diri ko boko murid inyo udah mongikuti Sio doi' doerah Galilea ko kota Yerusalem. Boko urakng nantaiam watu ni'in momboritoan mongona'i Sio ko banso kito Israel.