Kisah Boko Rasul 10:4 - Porjanjian Boharu Torjomahan Baso Dilakng Soari-ari

⁴ Io kotakan gola', moniant molekat nantai. Io botakutn, “Ado la'apo Habakng?” Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai.

Kisah Boko Rasul 10:4 ပူးပေါင်းရင်းမြစ်များ

Matius 26:13

Pondinga'an! Di soluruh dunia, di mono ja' Kabar Boi' diboritoan, porbuatan botina' ni'in paca'an dikisahan jam sampai io kinyo tongkolupatn.”

Lukas 1:29

Mondingaꞌ pomandiran molekat nantai, Maria pan tokonyant ongko botakutn dalapm hati, “La'apo rotinyo pandir ni'in?”

Lukas 24:5

Sia' kotakng gola', lalu monyungkapan sampai ko tanah obai hormat. Apo koduo urakng nantai bopandir ko sia', “Padohan monggoyapi urakng inyo udah bobali' hidup di antaro urakng mati.

Kisah Boko Rasul 10:31

Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro.

Kisah Boko Rasul 14:9

Urakng lumpuh nantai dudu' bondinga'an pomandiran Paulus. Io pocayo ulih nyamanamobai kuaso Yesus. Jadi, watu Paulus moniant io, Paulus tohu io pocayo.

Kisah Boko Rasul 22:10

Lopas nantai, aku botakutn, ‘La'apo inyo gola' aku labuhan, Tuhatn?’ Kato Tuhatn ko aku, ‘Bodiritncam ongko botula' ko kota Damsyik. Nono Aku paca'an moonji'i tugas ko kolai. Di kota Damsyik paca'an ado urakng inyo momadahan somuonyo ko kolai.’

Kisah Boko Rasul 3:4

Sia' moncorona'i urakng lumpuh nantai ongko Petrus bopandir, “Tiatbo koi.”

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Filipi 4:6

Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Wahyu 8:4

Ansap komonyan nantai noi' doi' mangku' dohupodi longan molekat nantai. Ansap nantai noi' bosamo-samo agatn doa boko urakng pocayo ko hadapan Allah.