Kisah Boko Rasul 10:34 - Porjanjian Boharu Torjomahan Baso Dilakng Soari-ari

³⁴ Jadi, Petrus bopandir, “Ni'inan aku bondar-bondar mongoroti obai Allah kinyo bayo mongasihi sobuti' banso molobihi doi' banso bukai.

Kisah Boko Rasul 10:34 ပူးပေါင်းရင်းမြစ်များ

Roma 2:11

Obai, Allah kinyo momihak boko urakng totontu.

Kolose 3:25

Sio paca'an mohukupm sotiap urakng inyo bulah kosalahan. Sio kinyo poduli urakng nantai pontikng kata'an cado.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

Efesus 6:9

Ko boko habakng aku momadahan: kaitn pan gola' boi' hati ko boko hulutn kaitn. Jangan hala moancapm sia'. Ingantcam! Tuhatn di sorugo ia'an Tuhatn inyo bokuaso di pucu' sia' ongko kaitn. Sio kinyo momihak ko boko urakng totontu.

Lukas 20:21

Boko urakng nantai bopandir ko Yesus, “Guru, koi tohu somuo pomandiran huatan ajaran Duatn hala bondar. Duatn co momihak ko boko urakng totontu apo hala jujur agatn boko urakng, ongko mongajar sia' caro hidup sosuai agatn porintah Allah.

Yakobus 2:9

Apo aman kaitn moniant mato-muho boroti kaitn molanggar porintah nantai. Kaitn bodosa. Kaitn monjadi boko urakng inyo molanggar somuo porintah Allah.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.

Galatia 2:6

Sokali agi' somadikan, aku udah monjolasan polayatan aku ko pomimpitn di Yerusalem. Biar pan sia' dianggap tohormat, aku co poduli agatn kodudu'an sia' nantai. Obai Allah pan co poduli aman boko urakng dianggap pontikng kata'an cado. Apo boko pomimpitn nantai sotuju agatn aku. Sia' kinyo momosoan la'apo pan ko Kabar Boi' inyo aku boritoan.

Yakobus 2:4

Aman kaitn molabuhan lou' sama'an nian, rotinyo kaitn bopikir boko urakng totontu lobih boi' daripado urakng bukai. Kaitn monjadi samo sama'an boko hakipm inyo momakai pikiran jahat pakai' monilai urakng.

Matius 22:16

Jadi, sia' monyiuh boko murid sia' huatan boko urakng inyo mondukukng Rajo Herodes botula' ko Yesus. Boko urakng nantai bopandir ko Yesus, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn co bopihak ko boko urakng totontu. Obai nantai, Duatn co gola' agatn sopo pan.

Matius 5:2

Lalu Sio mongajar sia'. Kato-Nyo,

Kisah Boko Rasul 8:35

Jadi, Filipus monjolasan pomandiran nabi nantai sobondarnyo mongona'i Yesus. Ongko, Filipus momboritoan soluruh Kabar Boi' ko io.

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Roma 3:29

Cubo bopikir: Apobai Allah ongkah Allah urakng Yahudi am? Samo sokali cado! Sio ia'an Allah boko banso bukai jam!

Yakobus 2:1

Boko somadikan, kaitn udah pocayo ko Yesus Kristus, Tuhatn inyo luar biaso. Obai nianam jangan moniant mato-muho.