Kisah Boko Rasul 10:32 - Porjanjian Boharu Torjomahan Baso Dilakng Soari-ari

³² Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’

Kisah Boko Rasul 10:32 ပူးပေါင်းရင်းမြစ်များ

Yohanes 4:9

Botina' nantai hiratn obai urakng Yahudi kinyo bokoncucu'an agatn urakng Samaria. Kato botina' nantai ko Yesus, “Duatn ni'in urakng Yahudi, apo aku ni'in urakng Samaria! Hibo Duatn minto minum doi' aku?”

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Kisah Boko Rasul 10:31

Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro.

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Kisah Boko Rasul 11:3

Kato sia', “Kolai udah bokawal huatan datakng usi'an ko rumah boko urakng bukainyo urakng Yahudi. Malah, kolai makatn bosamo sia'!”

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Kisah Boko Rasul 9:43

Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng. Damonyo Simon.

Kisah Boko Rasul 10:5

Jadi, ni'inan siuhcam boboropo urakng ko kota Yope. Siuh sia' pakai' momocaki siku' urakng inyo bodamo Simon, inyo disobut Petrus jam.

Kisah Boko Rasul 11:14

Io paca'an monyampaian borito ko kolai huatan somuo urakng inyo ado dalapm rumah kolai. Io paca'an momboritoan mongona'i caro kaitn ulih disolamant'an doi' hukupan dosa.’

Kisah Boko Rasul 15:7

Manah bondar sia' mombahas mosalah nantai. Lopas nantai, rasul Petrus bodiritn. Katonyo, “Boko somadikan! Kaitn tohu obai Allah udah momilih aku doi' antaro kaitn. Boboropo watu inyo komai, Allah momilih aku pakai' momboritoan Kabar Boi' ko boko urakng inyo bukainyo urakng Yahudi. Allah molabuhan nantai oca' sia' ulih mondinga' ongko monjadi pocayo agatn Yesus.

Kisah Boko Rasul 16:9

Pado malapm arinyo, Paulus ado poniant'an. Io moniant siku' urakng doi' doerah Makedonia. Urakng nantai bodiritn kapikng momuhun ko Paulus. Katonyo, “Tulukng datakng ko Makedonia pakai' monulukng koi!”