Kisah Boko Rasul 10:22 - Porjanjian Boharu Torjomahan Baso Dilakng Soari-ari

²² Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Kisah Boko Rasul 10:22 ပူးပေါင်းရင်းမြစ်များ

Matius 1:19

Apo Yusuf nantai ia'an urakng inyo boi' hati. Io pan co honda' momaluan Maria di hadapan urakng banya'. Obai nantai, io bopikir honda' mombalakan potunangannyo agatn Maria socaro bototapu'.

Matius 2:12

Sobolupm pulakng ko laman sia', Allah momporingant'i sia' di dalapm mimpi oca' jangan bobali' ko Herodes. Jadi sia' pulakng molalu'i jalatn bukai.

Markus 6:20

obai Herodes molinduki Yohanes. Obai Herodes gola' agatn Yohanes obai io tohu Yohanes nam urakng inyo husus dipakai Allah ongko hidup bondar di hadapan Allah. Sotiap kali Herodes mondinga' Yohanes, hatinyo hala golisah, apo io mooso sonang mondinga'an io.

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 2:25

Timpu nantai di kota Yerusalem ado urakng damonyo Simeon. Sio ni'in urakng onsi', inyo hala mohormati huatan monaati Allah. Sio monanti Rajo Inyo Dijanjian Allah nononyo datakng moonji'i kodamaian ko banso Israel. Roh Allah monyoroto'i Simeon.

Lukas 23:50

Ado siku' urakng bodamo Yusuf, inyo boasal doi' kota Arimatea di doerah Yudea. Io urakng onsi' inyo dihormati urakng. Io tongahan monanti kodatakan Rajo Inyo Dijanjian Allah. Biar pan io anggota kolompok pomimpitn urakng Yahudi inyo kotakng pontikng, io co sotuju agatn koputusan huatan kolaku'an sia' nantai.

Lukas 9:26

Samo jam urakng inyo malu tuyut Aku huatan pongajaran-Ku. Ana' Monsio paca'an monula' urakng nantai watu Io datakng bobali' doi' sorugo agatn bisi kuaso Allah Bopai. Io bobali' doi' sorugo diiriki boko molekat suci.

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Yohanes 17:20

“Aku co ongkah bodoa pakai' boko murid-Ku ja'am. Apo Aku pan bodoa pakai' boko urakng inyo pocayo ko Aku molalu'i pomboritoan sia'.

Yohanes 17:8

Obai, Aku udah momadahannyo ko sia' somuo pomandiran inyo Duatn onju' ko aku. Lalu, sia' monorima' pomandiran Duatn nantai. Sia' tohu obai Aku bondar-bondar datakng doi' Duatn. Sia' pocayo obai Duatnnam inyo moutus Aku.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Yohanes 6:68

Timbas Simon Petrus, “Tuhatn, conyiant ado siku' urakng bukai inyo koi paca'an tuyut! Pomandiran Duatn moonji'i hidup inyo somanah-manahnyo.

Kisah Boko Rasul 10:2

Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.

Kisah Boko Rasul 10:21

Jadi, Petrus turutn. Ongko io bopandir ko kotigo urakng nantai, “Aku ninam urakng inyo kaitn goyapi. Hibo kaitn datakng monggoyapi aku?”

Kisah Boko Rasul 10:30

Kornelius monimbas, “Sokomai, aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo.

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Kisah Boko Rasul 10:6

Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir lout.”

Kisah Boko Rasul 11:14

Io paca'an monyampaian borito ko kolai huatan somuo urakng inyo ado dalapm rumah kolai. Io paca'an momboritoan mongona'i caro kaitn ulih disolamant'an doi' hukupan dosa.’

Kisah Boko Rasul 22:12

Di santai, ado siku' urakng inyo bodamo Ananias. Io siku' urakng inyo kotakan sotia monaati boko poraturan Allah inyo ditulis Musa dalapm Hukupm Torat. Somuo urakng Yahudi inyo tinggal di su'utn mohormati io.

Kisah Boko Rasul 24:15

Samo sama'an sia', aku pan yakitn obai suatu ari nono Allah paca'an bulah urakng bobali' hidup doi' komatian, boi' urakng bondar honda' pan urakng jahat.

Kisah Boko Rasul 6:3

Jadi boko somadikan, pilihcam tujuh urakng doi' antaro kaitn. Kotujuh urakng nantai gola' dikonal sobagai urakng inyo pintar-corodi' agatn boi' hati. Roh Allah gola' ado pado sia' nantai jam. Koi paca'an monyorahan polayatan ni'in ko sia'. Sia' nanam inyo mombagian pomakatn sotiap arinyo.

Roma 1:17

Obai, dalapm Kabar Boi' nantai, Allah monunju'an caronyo monsio dapat monjadi bondar di pohadapan-Nyo, ia'an agatn pocayo ko Yesus, huatan torus pocayo sampai ahirnyo. Sama'an pomandiran ni'in inyo totulis di Buku Suci: “Boko urakng inyo pocayo paca'an monjadi bondar di pohadapan Allah, jadi sia' paca'an bodapat hidup inyo sobondar-bondarnyo.”

2 Korintus 5:18

Somuonyo nantai dilabuhan Allah. Molalu'i Kristus, Allah udah bulah kito bodamai agi' agatn diri-Nyo. Allah jam moutus koi pakai' monulukng urakng bukai oca' sia' ulih bodamai agi' agatn Sio.

1 Timotius 3:7

Siku' urakng ponotua' pan gola' di konal sobagai urakng boi' di antaro boko urakng inyo bolupm pocayo ko Yesus. Aman io co dikonal sobagai urakng boi', boko urakng paca'an mohayam io. Aman io dihayam, nantai samo sama'an Rajo Sitatn momasakng joyat pakai' io. Mungkitn nononyo io paca'an kona' joyat nantai. Rotinyo, mungkitn io paca'an bulah dosa.

Ibrani 10:38

Umant-Ku inyo bondar paca'an pocayo, jadi sia' tajahan bodapat hidup inyo sobondar-bondarnyo. Apo aman ado inyo mundur jadi Aku co sonang agatn io.”

Ibrani 11:2

Allah sonang agatn boko urakng doi' joman komai obai sia' pocayo ko Sio.

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.