Kisah Boko Rasul 10:19 - Porjanjian Boharu Torjomahan Baso Dilakng Soari-ari

¹⁹ Watu Petrus ija' momikiran mongona'i poniant'an nantai, Roh Allah bopandir ko io, “Petrus! Ado tigo urakng monggoyapi kolai. Sia' hoyu' datakng.

Kisah Boko Rasul 10:19 ပူးပေါင်းရင်းမြစ်များ

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Kisah Boko Rasul 10:18

Sia' botakutn aman ado urakng inyo bodamo Simon inyo jam disobut Petrus inyo mongoluntukng di santai.

Kisah Boko Rasul 10:3

Pado suatu ari sokitar japm tigo babahari, Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!”

Kisah Boko Rasul 11:12

Ongko, Roh Allah bopandir ko aku pakai' co gangga'-gua'an. Roh Allah monyiuh aku tuyut sia' ko kota Kaisarea. Koonam somadikan ni'in inyo tongahan ado di si'itn sokarakng, sia' jam tuyut samoan agatn aku doi' kota Yope nantai. Watu koi sampai ko Kaisarea, koi mansu' ko dalapm rumah urakng inyo moningkau aku.

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

Kisah Boko Rasul 15:7

Manah bondar sia' mombahas mosalah nantai. Lopas nantai, rasul Petrus bodiritn. Katonyo, “Boko somadikan! Kaitn tohu obai Allah udah momilih aku doi' antaro kaitn. Boboropo watu inyo komai, Allah momilih aku pakai' momboritoan Kabar Boi' ko boko urakng inyo bukainyo urakng Yahudi. Allah molabuhan nantai oca' sia' ulih mondinga' ongko monjadi pocayo agatn Yesus.

Kisah Boko Rasul 21:4

Jadi, koi monjongu' boko urakng inyo pocayo agatn Yesus di santai. Koi monotap bosamo agatn sia' somanah tujuh ari. Roh Allah momadahan ko sia' obai Paulus paca'an ajab sonsaro di Yerusalem. Jadi, sia' monosihat'i Paulus oca' co botula' ko su'utn.

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

1 Korintus 12:11

Bayo ado siku' Roh Allah inyo moonji'i somuo komampuan husus nantai. Roh Allah moonji'i komampuan husus ko sotiap urakng masikng-masikng sosuai agatn kohonda'-Nyo.

1 Timotius 4:1

Ingantcam Roh Allah udah mongatoan agatn togas obai paca'an ado boko urakng inyo paca'an co pocayo agi' ko Yesus. Sia' paca'an pocayo ko boko urakng inyo mongajar boko ajaran inyo salah. Boko ajaran nantai doi' boko roh jahat.