Kisah Boko Rasul 10:15 - Porjanjian Boharu Torjomahan Baso Dilakng Soari-ari

¹⁵ Apo Allah bopandir pakai' koduo kalinyo, “Aman Aku bopandir sosuatu boi' mo, jangan kolai bopandir purih.”

Kisah Boko Rasul 10:15 ပူးပေါင်းရင်းမြစ်များ

1 Korintus 10:25

Dalapm Buku Suci ado totulis: “Tuhatn mo inyo umputn bumi huatan somuo isinyo.” Obai nantai, kaitn ulih bopua' dagikng la'apo pan inyo dijual di pasar. Padohan botakutn aman dagikng nantai boasal doi' bonatakng inyo diposombahan ko boko duato. Hati kaitn kinyo pontikng mooso bosalah aman bopua' dagikng nantai.

Matius 15:11

Dinga'an huatan mongoroti cam ni'inan: boko hal inyo mansu' ko dalapm nyao kinyo bulah boko urakng monjadi campah. Apo boko hal inyo koluar doi' nyao, nanam inyo bulah boko urakng monjadi campah bukakng-tubuhnyo.”

Titus 1:15

La'apo pan ia'an suci bagi boko urakng suci. Apo bagi boko urakng inyo pikirannyo jahat huatan kinyo pocayo, co nyiant inyo suci, obai pikiran huatan hati sia' udah jahat.

Markus 7:19

Obai, boko hal nantai kinyo mansu' ko dalapm hati monsio, apo mansu' ko dalapm porutnyo, lalu diboria'an.” (Agatn pomandiran nantai, Yesus monjolasan obai somuo pomakatn kinyo pomali ulih dipua'i).

Roma 14:14

Obai aku bosatu agatn Tuhatn Yesus, jadi aku tohu obai conyiant ado la'apo pan inyo pomali. Aku yakitn mongona'i nantai. Apo, aman ado urakng inyo bopikir obai ado sosuatu inyo campah, memang bagi io hal nantai pomali.

Kisah Boko Rasul 10:28

Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah.

Kisah Boko Rasul 11:9

Apo Allah bopandir pakai' koduo kalinyo, ‘Aman Aku bopandir sosuatu boi' mo dipua'i, jangan kolai bopandir purih.’

Roma 14:20

Jangannam kolai morusa' lapo inyo dikorojoan Allah bayo obai mosalah pomakatn. Conyiant ado pomakatn inyo campah. Apo, aman kolai bopua' sosuatu inyo somadikan kolai bopikir nantai campah, lalu hal nantai bulah io jatu' dalapm dosa, rotinyo kolai bosalah.

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

Wahyu 14:20

Boko buah anggur nantai dipoyah di luar kota. Huatan, darah mongalir doi' tompat nantai sama'an sungai, dalapmnyo duo meter, jouhnyo tigo ratus pal.

Kisah Boko Rasul 10:16

Ni'in tojadi sobanya' tigo kali, hoyu' koitn nantai toangkat bobali' ko langit.