Kisah Boko Rasul 10:1 - Porjanjian Boharu Torjomahan Baso Dilakng Soari-ari

¹ Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia.

Kisah Boko Rasul 10:1 ပူးပေါင်းရင်းမြစ်များ

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Matius 27:27

Lopas nian boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul mongoliliki Yesus.

Kisah Boko Rasul 8:40

Apo Roh Allah mombaba' Filipus doi' tompat nantai ko kota inyo bodamo Asdod. Tangga'i santai io bojalatn ko kota Kaisarea. Io momboritoan Kabar Boi' di somuo kota di sopanjakng pojalatannyo.

Kisah Boko Rasul 27:43

Apo Yulius honda' monyolamant'an Paulus. Jadi io morarakng sia'. Io momorintahan somuo urakng inyo ulih bononang lobih doholu torojutn ko lout ongko bononang ko darat.

Kisah Boko Rasul 25:1

Jadi, Festus monjadi gubernur di propinsi Yudea nantai. Io datakng di Kaisarea, ibu kotanyo. Lopas tigo ari, io botula' ko Yerusalem.

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Kisah Boko Rasul 27:31

Moniant nantai, Paulus bopandir ko Yulius huatan boko projuritnyo, “Aman boko ana' buah kapal nantai kinyo totap di kapal ni'in, kaitn co mungkitn solamant.”

Kisah Boko Rasul 25:13

Boboropo ari lopas nian, rajo urakng Yahudi inyo bodamo Agripa huatan adikng botina'nyo inyo bodamo Bernike datakng di Kaisarea. Sia' datakng pakai' moonji'i ucapan solamant ko Festus obai hoyu' monjadi gubernur.

Kisah Boko Rasul 23:33

Watu pasukan bokuda nantai datakng di Kaisarea, sia' monyampaian surat nantai ko gubernur Feliks. Sia' pan monyorahan Paulus ko io.

Kisah Boko Rasul 23:23

Lopas nian komandatn pasukan nantai moningkau duo powira. Katonyo, “Siap'an projurit bobanya' pakai' mombaba' Paulus ko gubernur Feliks di Kaisarea. Io gola' sampai ko su'utn agatn aman. Jadi, siap'an duo ratus tontara bopodakng, duo ratus tontara botumba', huatan tujuh puluh ponunggakng kuda. Siap'an jam boboropo kuda pakai' Paulus. Bososiapcam pakai' botula' japm sombilatn malapm ni'in.”

Kisah Boko Rasul 22:25

Jadi, boko projurit mombaba' Paulus ko dalapm. Sia' mongobatnyo oca' io ulih dipodularan. Apo sobolupm sia' bodularannyo, Paulus bopandir ko powira di santai, “Jangan lansukng bodularan aku obai aku warga negara Roma. Apotolagi', aku bolupm diadili socaro resmi.”

Kisah Boko Rasul 21:8

Kohobu'annyo, koi botula' ko kota Kaisarea. Di santai koi bodiapm di rumah Filipus. Io nantai urakng inyo momboritoan Kabar Boi'. Io jam salah siku' doi' kotujuh urakng inyo komai di Yerusalem dipilih pakai' molayati boko botina' balu.

Yohanes 18:12

Lopas nian, komandatn pasukan bosamo agatn somuo rombokan nantai monangkap Yesus lalu mongobat longan-Nyo.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Lukas 7:2

Di santai ado siku' powira tontara Romawi, ongko hulutnnyo sakit kuat, honda' matiam. Powira tontara nantai kotakan kidahnyo agatn hulutnnyo nantai.

Markus 15:16

Lopasnyo boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul di santai.

Kisah Boko Rasul 10:24

Kolusoannyo, hoyu' sia' tuntukng di kota Kaisarea. Di kota nantai, Kornelius udah monanti sia'. Di rumahnyo io udah mongumpulan boko koluarganyo huatan boko pokawalan.

Kisah Boko Rasul 21:31

Urakng banya' nantai honda' mombunuh Paulus. Apo borito mongona'i kokacauan nantai udah sampai ko komandatn pasukan tontara Roma.