Kisah Boko Rasul 1:8 - Porjanjian Boharu Torjomahan Baso Dilakng Soari-ari

⁸ Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 1:8 ပူးပေါင်းရင်းမြစ်များ

Matius 24:14

Kabar Boi' mongona'i Koraja'an Allah paca'an diboritoan di soluruh dunia oca' somuo urakng mondinga'nyo. Lopas nian, hoyu' datakng ahir joman.”

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 10:19

Dinga'anbo! Aku udah moonji'i kuaso ko kaitn pakai' mongalahan kuaso jahat, kuaso musuh kito, ia'an pan co nyiant inyo ulih mombonasoan kaitn.

Lukas 24:29

Apo sia' mombaba' Sio pakai' tinggal bosamo sia'. Kato sia', “Ari udah honda' malapam. Matoari hampikng tonggolapm. Bomalapm agatn koi di si'itn jam.” Jadi Sio mansu' ongko noluntukng samoan sia'.

Yohanes 15:27

Kaitn pan gola' bosasi mongona'i Aku obai kaitn udah bosamo agatn Aku doi' mulo polayatan-Ku.

Kisah Boko Rasul 1:5

Yohanes mombaptis urakng agatn ara'i. Apo co manah agi' Aku paca'an mombaptis kaitn agatn Roh Allah.”

Kisah Boko Rasul 13:31

Somanah boboropo ari, Yesus moniant'an diri boulakng-ulakng kali. Sio moniant'an diri ko boko murid inyo udah mongikuti Sio doi' doerah Galilea ko kota Yerusalem. Boko urakng nantaiam watu ni'in momboritoan mongona'i Sio ko banso kito Israel.

Kisah Boko Rasul 2:32

Boko somadikan, Yesus nanam Rajo nantai! Lopas Yesus mati, Allah bulah Sio hidup agi' doi' komatian. Koi somuo udah moniant Sio. Koi moniant agatn mato kopala' koi siku'.

Kisah Boko Rasul 22:15

Hal nantai tojadi ko kolai oca' kolai monjadi sasi-Nyo. Kolai gola' momboritoan ko somuo urakng mongona'i somuo inyo udah kolai tiat ongko dinga'.

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

Kisah Boko Rasul 6:8

Nah, Stefanus, doi' kotujuh urakng inyo disiuh tontai, io dionji'i borokat agatn kuaso doi' Allah. Io ulih molabuhan boko mujisat dipohadapan boko urakng banya'.

Roma 10:18

Apo ubo apo agatn urakng Yahudi? Kata'an sia' bolupm kalo mondinga' Kabar Boi' nantai ai? Pasti sia' udah mondinga'am nantai! Samo sama'an pomandiran ni'in inyo totulis di Buku Suci: “Boko monsio udah momboritoan ko soluruh dunia. Pomandiran sia' udah tosebar ko soluruh dunia.”

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.