Kisah Boko Rasul 1:6 - Porjanjian Boharu Torjomahan Baso Dilakng Soari-ari

⁶ Jadi, watu ari bukainyo agi', timpu boko rasul bokumpul bosamo agatn Yesus, sia' botakutn ko Sio, “Tuhatn, ni'innam bai watunyo Duatn paca'an mondirian agi' Koraja'an Israel?”

Kisah Boko Rasul 1:6 ပူးပေါင်းရင်းမြစ်များ

Matius 17:11

Timbas Yesus, Memang Nabi Elia paca'an datakng doholu momposiapan somuo hal pakai' kodatakan Rajo Inyo Dijanjian Allah.

Matius 20:21

Kato Yesus, “Kohonda' indai la'apo?” Timbas Indai sia', “Aku honda' oca' duatn moonji'i kodudu'an tinggi ko poana'anku duo ni'in dalapm koraja'an Duatn, kohonda'ku siku' dudu' disopia' kanan Duatn inyo siku' disopia' kiba' Duatn.”

Matius 24:3

Lopas nantai Yesus botula' ko bukit Jaitun. Boko murid-Nyo datakng honda' bopandir agatn Sio. Kato sia', “Tulukng padahan ko koi, sombilo somuonyo nantai paca'an tojadi. Boko tando la'apo inyo monunju'an watu Duatn datakng agi' ko dunia ni'in? Boko tando la'apo inyo monunju'an ahir joman?”

Markus 9:12

Timbas Yesus, “Bondaram hal nantai udah ditulis dalapm Buku Suci. Nabi Elia tajahan holu datakng pakai' monyiap'an somuo hal pakai' kodatakan Rajo Inyo Dijanjian Allah. Apo pondinga'anbo ni'in: Nabi Elia inyo dimasud nantai udah datakam. Boko urakng bulah inyo jahat ko io sokohonda' hati sia'. Apo, somuo nantai tojadi sosuai agatn pomandiran inyo totulis mongona'i Io dalapm buku Suci. Jadi, porotian jam pomandiran inyo totulis mongona'i Ana' Monsio. Buku Suci mongatoan obai Ana' Monsio paca'an dihanyam huatan banya' moalapi ajab sonsaro. Pikiran cam mongona'i masud pomandiran nantai.”

Lukas 17:20

Di ari bukainyo, boboropo pomimpitn agama Yahudi doi' kolompok Farisi botakutn ko Yesus, “Sombilo Koraja'an Allah tajahan datakng, ia'an watu Allah mula'i momorintah soponuhnyo di pucu' somuonyo?” Yesus bopandir, “Koraja'an Allah kinyo dapat ditiat agatn mato.

Lukas 19:11

Pontongahan Yesus bopandir agatn Zakheus, boko urakng banyaꞌ ija' mondingaꞌan Yesus. Obai Sio udah dampikng ko kota Yerusalem, ongko boko urakng monyangko Koraja'an Allah tajahan lansukng kotiat'an di dunia ni'in, ia'an sia' salah sangko huatan bopikir obai Allah tajahan lansukng momorintah sobagai Rajo di dunia. Jadi Yesus mongajar sia' agatn poumpamoan ni'in.

Lukas 22:29

Jadi, Aku paca'an moonju' kuaso ko kaitn pakai' momorintah dalapm Koraja'an Allah, samo samaꞌan Bopai-Ku moonju' kuaso ko aku pakai' monjadi Rajo inyo momorintah somuo Korajaan-Nyo.

Yohanes 21:21

Pas moniant murid nantai, Petrus bopandir ko Yesus, “Tuhatn, ubo apo agatn io nian? Lapo inyo paca'an tojadi agatn io?”