Kisah Boko Rasul 1:4 - Porjanjian Boharu Torjomahan Baso Dilakng Soari-ari

⁴ Timpu dalapm watu ompat puluh ari nantai, Yesus tongahan makatn bosamo agatn sia'. Sio bopandir, “Jangan botula' doi' kota Yerusalem ni'in. Bodiapm ja'am di si'itn monantian la'apo inyo udah dijanjian Bopai-Ku. Aku udah kalo momadahan ko kaitn mongona'i nantai.

Kisah Boko Rasul 1:4 ပူးပေါင်းရင်းမြစ်များ

Matius 10:20

Jadi, sobondarnyo nantai bukainyo kaitn inyo bopandir. Apo Roh Allah Bopai di dalapm kaitn paca'an bulah kaitn momadahan pomandiran nantai.

Lukas 11:13

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

Lukas 12:12

Obai timpu nian jam, Roh Allah paca'an momadahi la'apo inyo gola' kaitn pandiran.”

Lukas 24:49

Apo diapmcam di kota Yerusalem ni'in holu'ai obai Aku paca'an moutus Roh Allah ko kaitn, samaꞌan inyo udah dijanjian Bopai-Ku. Diapmcam holu'ai sampai Roh Allah datakng pakai' molongkapi kaitn agatn kuaso doi' Allah.”

Yohanes 14:16

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Yohanes 20:22

Lopas jadi Yesus bopandir bunyi nantai, Sio mohombusan kosih-Nyo ko sia' lalu bopandir, “Torima' cam Roh Allah!

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Kisah Boko Rasul 10:41

Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.