Kisah Boko Rasul 1:14 - Porjanjian Boharu Torjomahan Baso Dilakng Soari-ari

¹⁴ Bosamo agatn sia' ado jam boboropo botina' tomansu' Maria (indai Yesus), ongko boko somadikan Yesus. Sia' somuo opat bokumpul pakai' bodoa. Sia' hala bodoa ongko sohati sopikiran.

Kisah Boko Rasul 1:14 ပူးပေါင်းရင်းမြစ်များ

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 21:22

La'apo pan inyo kaitn minto dalapm doa, kaitn paca'an monorima'nyo, aman kaitn pocayo.”

Matius 27:55

Di santai ado jam boboropo botina' inyo moniant doi' jouh. Sia' nanam botina' inyo tuyut Yesus doi' doerah Galilea pakai' molayati Sio.

Markus 15:40

Di santai ado jam boko botina' inyo moniant doi' jouh. Di antaro sia' ia'an Salome, Maria Magdalena, ongko Maria (indai doi' Yakobus inyo muda' ongko Yoses.)

Markus 16:1

Lopas ari Sabat, Salome, Maria Magdalena, ongko Maria indai Yakobus momboli rorompahan pakai' mominya'i bangkai Yesus.

Lukas 11:13

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

Lukas 18:1

Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Lukas 23:49

Di santai jam, ado banyaꞌ kawal Yesus inyo kotakng jamo, tomansu' boko botina' inyo tuyut Sio doi' doerah Galilea. Sia' moniant somuo kojadian nantai jam apo bodiritn jojouh.

Lukas 23:55

Boko botina' inyo datakng agatn Yesus doi' doerah Galilea tuyut Yusuf lalu moniant pasaran nantai. Sia' moniant jam ubo apo bangkai Yesus diulit'an di dalapm pasaran.

Lukas 24:33

Bolupm jadi sia' makatn, sia' duo lansukng pulakng ko kota Yerusalem. Di su'utn sia' botomu agatn sobolas murid ongko boko murid inyo bukainyo udah bokumpul.

Lukas 24:53

Sia' hala momuji-muji Allah di tongahlamanan Rumah Allah sotiap ari.

Lukas 8:20

Jadi, ado urakng momadahan ko Sio, “Indai ongko boko somadikan Duatn ado di luar, honda' botomu Duatn.”

Kisah Boko Rasul 2:1

Watu Ari Pentakosta, somuo urakng inyo pocayo agatn Yesus bokumpul. Sia' bokumpul di sobuah rumah.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Kisah Boko Rasul 6:4

Oca' koi siku' ulih hala bodoa ongko torus momboritoan Kabar Boi' mongona'i Yesus.”

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

1 Korintus 14:13

Obai nantai, urakng inyo bopandir pakai baso roh gola' bodoa oca' io pan dionji'i komampuan pakai' monjolasan roti doi' pomandiran baso nantai ko urakng bukai inyo pocayo.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.