Kisah Boko Rasul 1:13 - Porjanjian Boharu Torjomahan Baso Dilakng Soari-ari

¹³ Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).

Kisah Boko Rasul 1:13 ပူးပေါင်းရင်းမြစ်များ

Matius 9:9

Lopas nantai, Yesus botula' doi' santai. Sio moniant ado siku' urakng Yahudi inyo monagih pajak pakai' pomorintahan Romawi. Damonyo Matius, tongahan dudu' di rumah tompat pongumpulan pajak. Yesus bopandir ko Matius, “Tuyut Aku cam!” Matius nantai bodiritn ongko tuyut Yesus.

Markus 14:15

Lalu, puku' rumah nantai paca'an monunju'an ko kaitn sobuah ruakan inyo bosar di lantai pucu'. Somuo inyo kaitn pontikan pakai' morayaan Paskah ado di su'utn. Siap'an cam somuonyo di su'utn pakai' kito.”

Markus 14:33

Sio mombaba' Petrus, Yakobus ongko Yohanes. Sia' botula' samoan Sio. Watu nantai, Yesus mula'i mooso kotakan salu' huatan golisah.

Markus 2:14

Tongahan Yesus bojalatn di santai, Sio moniant ado urakng Yahudi inyo monagih pajak pakai' pomorintahan Romawi. Damonyo Lewi, ana' Alfeus. Lewi tongahan dudu' di rumah tompat pongumpulan pajak. Yesus bopandir ko io, “Tuyut Aku!” Lewi lansukng bodiritn, tuyut Yesus.

Markus 5:37

Lalu Yesus kinyo moijitan ko sopo pan tuyut-Nyo, kocuali Petrus, Yakobus ongko somadikannyo, Yohanes.

Markus 9:2

Onam ari lopas nantai, Yesus mombaba' Petrus, Yakobus ongko Yohanes huatan bosamo-samo agatn sia', Sio noi' ko sobuah bukit inyo tinggi. Di santai, sonsiku'an sia' mo. Lalu Yesus borubah rupo dipohadapan mato-muho sia'.

Lukas 22:12

Lalu, urakng umputn rumah nantai tajahan monunju'an ko kaitn duo sobuah ruakan inyo bosar di lantai pucu'. Somuo inyo kito pontikan pakai' morayaan Paskah ado di su'utn. Siap'ancam somuonyo di su'utn.”

Yohanes 11:16

Tomas, salah siku' murid Yesus inyo disobut jam “Ana' Kombar”, io bopandir ko boko murid inyo bukai. Katonyo, “Pasti Yesus paca'an mati di su'utn. Hincapm, kito tuyut botula' oca' kito mati bosamo agatn Yesus.”

Yohanes 14:22

Yudas (Apo bukainyo Yudas Iskariot) bopandir ko Yesus, “Tuhatn, obai apo Duatn honda' monyatoan diri Duatn ko koi, apo kinyo boko urakng bukai di dunia?”

Yohanes 18:17

Botina' polayatn nantai sampat botakutn ko Petrus, “Kolai ni'in pan murid Urakng inyo ditangkap nantai pan?” Timbas Petrus, “Cado!”

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

Kisah Boko Rasul 15:13

Lopas sia' duo jadi bopandir, hoyu' Yakobus bopandir. Katonyo, “Boko somadikan, dinga'anbo aku.

Kisah Boko Rasul 2:14

Lopas nian Petrus maju bosamo kosobolas rasul inyo bukai. Agatn saro borakng io bopandir ko somuo urakng banya' nantai, “Boko somadikan urakng Yahudi huatan somuo urakng inyo bodiapm di Yerusalem! Dinga'anbo pomandiranku ni'in. Aku paca'an monjolasan masud doi' somuo inyo tojadi ni'in.

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Kisah Boko Rasul 20:8

Koi somuo bokumpul di ruakan di tingkat pucu', lantai tigo. Ado banya' pompolitoan inyo bonyalo.

Kisah Boko Rasul 4:13

Watu boko pomimpitn mondinga' rasul Petrus ongko rasul Yohanes bopandir agatn borani ubo nantai, sia' hiratn obai koduo rasul nantai bayo urakng biaso. Koduo rasul nantai kinyo bopondidikan. Boko pomimpitn nantai jam monyadari aman Petrus ongko Yohanes nantai murid Yesus.

Kisah Boko Rasul 4:19

Apo Petrus ongko Yohanes monimbas, “Kaitn ja' inyo bopikir mono inyo bondar: Taat agatn Allah kata'an taat agatn kaitn!

1 Korintus 15:7

Lopas nian, Yesus moniant'an diri Sio ko Yakobus, ongko ko somuo rasul inyo bukai.

Galatia 1:19

Timpu nantai aku co botomu agatn boko rasul inyo bukai kocuali Yakobus, somadikan Tuhatn Yesus.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

2 Yohanes 1:1

Surat ni'in doi' ku, inyo momimpitn kaitn. Ko inyo tohormat: Indai inyo udah dipilih Allah huatan poana'an kolai. Aku bondar-bondar mongasihi kaitn. Bukainyo bayo aku, apo kaitn pan dikasihi jam ulih somuo urakng inyo pocayo agatn ajaran inyo bondar.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.