Kisah Boko Rasul 1:12 - Porjanjian Boharu Torjomahan Baso Dilakng Soari-ari

¹² Lopas nian boko rasul nantai bobali' pulakng ko Yerusalem doi' bukit Jaitun, kiro-kiro sopal jouhnyo.

Kisah Boko Rasul 1:12 ပူးပေါင်းရင်းမြစ်များ

Matius 21:1

Watu Yesus agatn boko murid-Nyo hampir datakng di Yerusalem, sia' datakng di laman Betfage di sisi bukit Jaitun. Yesus monyiuh duo urakng murid-Nyo doholu. Kato-Nyo,

Matius 24:20

Bodoacam oca' watu kaitn morarian diri, nantai kinyo kona' watu musipm dingin damo ari Sabat.

Matius 24:3

Lopas nantai Yesus botula' ko bukit Jaitun. Boko murid-Nyo datakng honda' bopandir agatn Sio. Kato sia', “Tulukng padahan ko koi, sombilo somuonyo nantai paca'an tojadi. Boko tando la'apo inyo monunju'an watu Duatn datakng agi' ko dunia ni'in? Boko tando la'apo inyo monunju'an ahir joman?”

Matius 26:30

Lalu, Yesus ongko boko murid-Nyo monyanyian lagu pujian ko Allah. Lopas nantai, sia' botula' ko bukit Jaitun.

Lukas 19:29

Timpu sia' huntu datakng di laman Betfage ongko laman Betania di sopia' bukit Jaitun, Yesus monyiuh duo urakng murid-Nyo botula' lobih doholu.

Lukas 21:37

Sotiap ari Yesus mongajar di tongahlamanan Rumah Allah. Sotiap malapm, Sio tidu' di bukit Jaitun di luar kota Yerusalem.

Lukas 24:50

Lopas nantai Yesus mombaba' boko murid-Nyo doi' kota Yerusalem ko laman Betania. Di santai Sio moangkat longan-Nyo, lalu momborokati sia'.

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

Yohanes 11:18

Desa Betania dampikng kota Yerusalem, kiro-kiro tigo pal jouhnyo.