Ibrani 9:5 - Porjanjian Boharu Torjomahan Baso Dilakng Soari-ari

⁵ Ponutup Poti nantai disobut Tompat Dosa Diamputi. Di pucu' ponutup Poti nantai, ado duo kerub, ia'an mahluk bosayap inyo molambakan komulia'anAllah ongko sayap sia' tobuka' monungkau'i Tompat Dosa Diamputi nantai. Apo somuonyo nantai kinyo dijolasan sobuti' nyombuti' watu ni'in.

Ibrani 9:5 ပူးပေါင်းရင်းမြစ်များ

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

Roma 9:4

Sia' nam umant Allah. Sio mombulah sia' monjadi poana'an-Nyo. Sio monunju'an ko sia' obai Sio mulia. Sopanjakng sojarah sia', Sio mombulah boko pojanjian husus agatn sia'. Sio moonju' Hukupm Torat ko sia' huatan momadahannyo ko sia' caro sia' gola' monyombah Sio. Sio pan bulah banya' janji bukai agatn sia'.