Ibrani 9:24 - Porjanjian Boharu Torjomahan Baso Dilakng Soari-ari

²⁴ Kristus kinyo mansu' ko dalapm Ruakan Suci inyo dipulah monsio inyo bayo gambaran Ruakng Suci inyo sombondarannyo. Apo Kristus mansu' ko dalapm sorugo nantai. Watu ni'in Sio mohadap Allah momuhun ko Sio pakai' kito.

Ibrani 9:24 ပူးပေါင်းရင်းမြစ်များ

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Ibrani 9:23

Jadi, la'apo pan inyo molambakan boko hal inyo ado di sorugo gola' diborosihi agatn caro sama'an nantai. Apo, boko hal inyo di sorugo gola' diborosihi agatn kurbatn posombahan inyo lobih boi' doi' nantai.

Ibrani 8:2

Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Kolose 3:2

Kaitn gola' bopikir mongona'i boko hal di sorugo, bukainyo boko hal di dunia ni'in.

Roma 8:33

Kito umant pilihan Allah inyo udah Sio pulah monjadi bondar di hadapan-Nyo. Jadi, conyiant ado urakng inyo ulih monyalahan kito.

Kisah Boko Rasul 3:21

Apo Yesus gola' bodiapm di sorugo holu'ai. Sio paca'an datakng agi', watu Allah bulah dunia monjadi boharu. Allah udah bojanji mongona'i hal nantai. Janji-Nyo ditulis boko nabi-Nyo watu joman komai.

Lukas 24:51

Tongahan Sio molabuhan nantai, Sio tosongkayo doi' sia', toangkat ko sorugo.

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Markus 14:58

Kato sia', “Urakng ni'in kalo bopandir Io paca'an morobahan Rumah Allah inyo di pulah agatn jari monsio. Lalu, dalapm watu tigo ari, Io paca'an moninjakan inyo bukainyo, inyo kinyo di pulah agatn jari monsio.”

Wahyu 8:3

Siku' urakng molekat bukai datakng mombaba' sobuah mangku' inyo dipulah doi' omas, husus pakai' moncucul rabutn. Molekat nantai botula' bodiritn dampikng mesbah. Io dionji'i banya' monyan dalapm mangku' nantai pakai' diposombahan bosamo-samo agatn doa somuo urakng inyo pocayo. Io momposombahan nantai di pucu' mesbah omas inyo di hadapan tahta nantai.

1 Petrus 3:22

noi' ko sorugo, lalu dudu' di tompat tohormat di sopia' kanan Allah. Allah mombulah Kristus bokuaso di pucu' somuo molekat ongko somuo inyo ado kokuatan huatan kokuasa'an.

Ibrani 9:9

Somuo nantai ia'an gambaran pakai' joman ni'in. Rotinyo, hati urakng kinyo monjadi sompurna di hadapan Allah agatn caro momposombahan kurbatn bonatakng damo posombahan bukainyo.

Ibrani 8:5

Polayatan sia' nantai ia'an gambaran ongko kombayakng doi' la'apo inyo ado di sorugo. Nantai udah dipandiran Allah ko Musa watu Musa mombulah potungguan Tuhatn. Watu nantai Allah bopandir ko io, “Porhatiancam! Kolai gola' mombulah somuonyo nantai sosuai agatn contoh inyo udah ditunju'an ko kolai di pucu' gunung nantai.”

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Yohanes 6:62

Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

Ibrani 9:1

Mulonyo ado boko poraturan pakai' monyombah Allah. Ado jam tompat sombayakng inyo dipulah monsio.