Ibrani 9:19 - Porjanjian Boharu Torjomahan Baso Dilakng Soari-ari

¹⁹ Timpu nantai, Musa monyampaian ko banso Israel somuo porintah Allah dalapm Hukupm Torat. Lopas nantai, Musa monguti' darah ana' sapi ongko darah kambikng sabukan, lalu moncampurnyo agatn ara'i. Ado bulu domba inyo bowarna mirah inyo di kobat di hujukng batakng rumput hisop. Musa moncolupannyo ko dalapm darah nantai lalu di kopociran ko Buku Hukupm Torat nantai ongko ko somuo banso Israel.

Ibrani 9:19 ပူးပေါင်းရင်းမြစ်များ

Matius 27:28

Ongko sia' labuham mohanyam Sio sobagai rajo. Sia' momucul pakai'an-Nyo lalu mongona'an jubah mirah ko Sio.

Markus 15:17

Lalu sia' mula'i mohanyam Sio sobagai rajo. Sia' mongona'an jubah ungu ko Sio. Sia' pan moanyam somacapm mahkota doi' boko ranggau boduri, lalu diangga'an dikopala'-Nyo.

Markus 15:20

Lopas sia' boulu'-ulu'an Sio, sia' molopasan jubah ungu nantai lalu bali' mongona'an pakai'an-Nyo siku'. Lopasnyo sia' mombaba' Sio ko luar pakai' dihukupm mati di kayu salib.

Yohanes 19:2

Boko projurit nantai moanyam lou' sama'an mahkota duri, lalu mongona'an di pucu' kopala'-Nyo. Sia' mongona'an jubah ungu ko Sio.

Yohanes 19:5

Ongko, Yesus dibaba' koluar ija' momakai mahkota duri huatan jubah ungu nantai. Kato Pilatus ko sia', “Tiatbo Urakng nantai!”

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

Ibrani 10:4

Obai, darah sapi sabukan agatn darah kambikng sabukan co mungkitn mohapus dosa.

Ibrani 12:24

Kaitn datakng mohadap Yesus inyo monjadi Porontaro inyo moadoan pojanjian boharu inyo Allah pulah agatn monsio, ongko ko darah-Nyo inyo momborosihi kaitn doi' dosa. Darah nantai bopandir mongona'i lou' inyo lobih boi' daripado darah Habel.

Ibrani 9:12

Kristus udah mansu' ko dalapm Ruakan Maho Suci di dalapm potungguan nantai sokali pakai' somanah-manahnyo. Sio kinyo mombaba' darah kambikng sabukan damo darah ana' sapi, apo Sio mansu' agatn mombaba' darah-Nyo siku'. Agatn sama'an nantai, Sio udah mombebasan kito doi' hukupan dosa kito pakai' somanah-manahnyo.

Ibrani 9:13

Monurut poraturan agama, boko urakng inyo kinyo borosih gola' dikopociri agatn darah doi' kambikng sabukan, darah doi' sapi sabukan, ongko habu doi' kurbatn ana' sapi inyo ditunu'i pakai' diposombahan ko Allah. Aman darah ongko habu nantai ulih mombulah sia' monjadi borosih agi',

Ibrani 9:18

Nantaiam sobabnyo pojanjian potamo pan gola' disahan agatn darah.

1 Petrus 1:2

Allah, Bopai kito, momilih kaitn sosuai agatn roncana-Nyo. Roh Allah mombulah kaitn monjadi borosih doi' dosa oca' kaitn monaati Yesus Kristus. Allah molabuhan nantai jam oca' kaitn ulih monorima' hasil doi' darah Yesus Kristus inyo dicurahan ko kaitn watu Sio mati di kayu salib. Aku bodoa oca' Allah monunju'an koboi'an ongko moonji'i sonang-asau ko kaitn agatn bolimpah.