Ibrani 9:1 - Porjanjian Boharu Torjomahan Baso Dilakng Soari-ari

¹ Mulonyo ado boko poraturan pakai' monyombah Allah. Ado jam tompat sombayakng inyo dipulah monsio.

Ibrani 9:1 ပူးပေါင်းရင်းမြစ်များ

Lukas 1:6

Siaꞌ duo laki-bini hidup monyonangan hati Allah. Sia' monuruti somuo porintah ongko poraturan Allah, agatn soponuh hati.

Roma 9:4

Sia' nam umant Allah. Sio mombulah sia' monjadi poana'an-Nyo. Sio monunju'an ko sia' obai Sio mulia. Sopanjakng sojarah sia', Sio mombulah boko pojanjian husus agatn sia'. Sio moonju' Hukupm Torat ko sia' huatan momadahannyo ko sia' caro sia' gola' monyombah Sio. Sio pan bulah banya' janji bukai agatn sia'.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.

Ibrani 8:13

Jadi, boko somadikan, obai Allah bopandir mongona'i pojanjian inyo boharu, jadi Sio mombulah pojanjian manah nantai kinyo topakaiam. Pojanjian manah nantai udah tuho huatan kinyo manah agi' paca'an hilakam.

Ibrani 8:2

Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.

Ibrani 8:7

Soandainyo pojanjian inyo potamo conyiant kokurakannyo, jadi urakng kinyo pontikng agatn pojanjian inyo koduo.

Ibrani 9:24

Kristus kinyo mansu' ko dalapm Ruakan Suci inyo dipulah monsio inyo bayo gambaran Ruakng Suci inyo sombondarannyo. Apo Kristus mansu' ko dalapm sorugo nantai. Watu ni'in Sio mohadap Allah momuhun ko Sio pakai' kito.