Ibrani 8:2 - Porjanjian Boharu Torjomahan Baso Dilakng Soari-ari

² Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.

Ibrani 8:2 ပူးပေါင်းရင်းမြစ်များ

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Roma 15:8

Masud ku ubo ni'inan: watu Kristus datakng, Sio molayati banso Yahudi pakai' monunju'an obai Allah sotia monopat'i boko janji-Nyo ko angki-bayatn sia'.

2 Korintus 5:1

Koi co putus asa, obai koi tohu ni'in: Bukakng-tubuh kito di dunia ni'in samo sama'an potungguan bayo pakai' somontaromo. Aman potungguan kito rusa', kito paca'an mondapat'an rumah di sorugo inyo paca'an tahatn somanah-manahnyo. Rumah nantai doi' Allah, kinyo dipulah monsio.

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

Ibrani 10:11

Monurut caro potamo, somuo imam molabuhan tugas sia' sotiap ari. Sia' boulakng-ulakng momposombahan boko kurbatn inyo samo. Apo, boko kurbatn nantai samo sokali co mohapusan dosa.

Ibrani 10:21

Sio ia'an Imam Agukng kito inyo momimpitn Rumah Allah.

Ibrani 11:10

Abrahapm hidup sama'an nantai obai io monanti-nantian sobuah kota agatn dasar inyo kuat, ia'an kota inyo dironcanaan ongko dipulah ulih Allah siku'.

Ibrani 9:1

Mulonyo ado boko poraturan pakai' monyombah Allah. Ado jam tompat sombayakng inyo dipulah monsio.

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.