Ibrani 8:11 - Porjanjian Boharu Torjomahan Baso Dilakng Soari-ari

¹¹ Sia' co pontikng hala mongajaran inyo bukai mongona'i Aku. Sia' co ija' momadahi somadikannyo pakai' mongonal Aku, Tuhatn sia'. Obai, somuo sia' paca'an mongonal Aku, ia'an nantai urakng inyo pontikng damo co pontikng.

Ibrani 8:11 ပူးပေါင်းရင်းမြစ်များ

Yohanes 6:45

Di dalapm Buku boko nabi, ado tulisan ni'in: ‘Allah paca'an moajari sia' somuo.’ Jadi, somuo urakng inyo mondinga' huatan bolajar doi' Allah Bopai, sia' datakng ko aku.

Kisah Boko Rasul 8:10

Jadi sobolupm Filipus datakng, somuo urakng Samaria pocayo agatn io, boi' urakng biaso damo urakng pontikng. Sia' bopandir, “Urakng ni'in ado kuaso bosar obai ado kuaso doi' Allah.”

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.