Ibrani 7:27 - Porjanjian Boharu Torjomahan Baso Dilakng Soari-ari

²⁷ Yesus kinyo sama'an boko imam agukng inyo bukai nantai. Sia' gola' momposombahan kurbatn bonatakng sotiap ari oca' dosa sia' siku' diamputi. Lopas nantai, hoyu' sia' momposombahan kurbatn oca' dosa boko urakng bukai diamputi. Apo timpu Yesus momposombahan diri-Nyo siku', Sio momposombahan kurbatn sokali pakai' somanah-manahnyo oca' dosa boko urakng ulih diamputi.

Ibrani 7:27 ပူးပေါင်းရင်းမြစ်များ

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Ibrani 9:12

Kristus udah mansu' ko dalapm Ruakan Maho Suci di dalapm potungguan nantai sokali pakai' somanah-manahnyo. Sio kinyo mombaba' darah kambikng sabukan damo darah ana' sapi, apo Sio mansu' agatn mombaba' darah-Nyo siku'. Agatn sama'an nantai, Sio udah mombebasan kito doi' hukupan dosa kito pakai' somanah-manahnyo.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Ibrani 5:3

Obai nantai, io gola' momposombahan kurbatn bonatakng, bukainyo ongkah oca' boko dosa urakng bukai diamputi apo oca' boko dosa io siku' pan diamputi jam.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Roma 6:10

Sio mati sokali aja' oca' kuaso dosa dikalahan pakai' somanah-manahnyo. Watu ni'in, Sio udah bobali' hidup huatan Sio hala hidup pakai' monyonangan Allah.

Ibrani 9:25

Boko imam agukng di dunia ni'in mansu' ko dalapm Ruakan Maho Suci agatn mombaba' darah doi' kurbatn bonatakng, bukainyo darah sia' siku'. Sia' molabuhan nantai sotiap tohutn. Apo Kristus mansu' agatn momposombahan diri-Nyo siku'. Sio molabuhan nantai kinyo opat.

Ibrani 9:7

Apo ongkah imam agukng am ulih mansu' ko dalapm Ruakng Maho Suci. Malahan, io bayo ulih molabuhan nantai sokali sotohutn mo. Ongko io gola' mombaba' darah pakai' diposombahan ko Allah oca' dosa io siku' ulih diamputi, huatan oca' dosa inyo kinyo sajo dipulah ulih umant Israel dapat diamputi jam.

Ibrani 5:1

Sotiap imam agukng dipilih doi' monsio. Io diangkat monjadi porontaro pakai' monsio dalapm hubukan sia' agatn Allah. Imam agukng monguti' posombahan boko urakng lalu moonju'nyo ko Allah, tomansu' boko kurbatn bonatakng inyo diposombahan oca' boko dosa sia' diamputi.

Efesus 2:22

Obai kaitn di dalapm Kristus, jadi kaitn pan monjadi bagian rumah nantai inyo ditinjakan monjadi kodiapan Allah, ia'an Roh-Nyo tinggal di dalapmnyo.

Ibrani 8:4

Soandainyo Sio ija' ada'an di dunia ni'in, jadi Sio kinyo tajahan monjadi imam. Obai, udah ado boko imam di dunia ni'in inyo moonju' posombahan sosuai agatn poraturan dalapm Hukupm Torat.

Ibrani 9:26

Soandainyo sama'an nian, boroti Sio gola' opat ajab sonsaro doi' mulo dunia ni'in dipulah. Apo inyo nyata, watu ni'in diari-ari toahir ni'in, Sio datakng sokali mo pakai' mohapus dosa agatn caro momposombahan diri-Nyo.