Ibrani 7:18 - Porjanjian Boharu Torjomahan Baso Dilakng Soari-ari

¹⁸ Jadi, watu ni'in, Hukupm Torat nantai inyo dionju' komai udah dibalakan obai hukupm nantai kinyo kuat huatan kinyo boguno.

Ibrani 7:18 ပူးပေါင်းရင်းမြစ်များ

Kisah Boko Rasul 13:39

Jadi, somuo urakng inyo pocayo agatn Yesus, dipohitukan bondar di hadapan Allah.

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Galatia 3:15

Boko somadikan, aku moonji'i contoh inyo opat dialapi monsio. Umpamonyo, ado duo urakng inyo bulah sobuah porjanjian. Lopas jadi porjanjian nantai disahan, co nyiant siku' urakng pan inyo dapat mombalakan porjanjian nantai. Co nyiant siku' urakng pan inyo ulih monambahan sosuatu ko dalapm porjanjian nantai. Biar pan porjanjian nantai bayo di antaro monsio, porjanjian nantai kinyo ulih borubah.

Galatia 3:17

Masud aku ubo ni'in: Allah udah tolobih doholu monsahan janji-Nyo. Hukupm Torat dionju' ko Musa ompat ratus tigo puluh tohutn lopas nantai. Jadi, Hukupm Torat nantai kinyo ulih mombalakan janji Allah doi' komai. Janji Allah nantai ija' bolaku.

Galatia 3:21

Apobai nantai boroti obai Hukupm Torat bolawatan agatn boko janji Allah? Tontunyo cado! Obai, umpamonyo Allah moonji'i Hukupm Torat pakai' moonji'i kohidupan ko monsio, ongko rotinyo monsio ulih dianggap bondar di hadapan Allah agatn monaati Hukupm Torat.

Galatia 4:21

Ni'inan aku momadahan ko kaitn inyo honda' hidup dibabah kuaso somuo porintah huatan poraturan Allah inyo ditulis Musa dalapm buku Hukupm Torat. Sobondarnyo kaitn mongoroti cado agatn tulisan Musa?

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

1 Timotius 4:8

Ado porbaso: ‘Aman kito bolatih oca'’ bulah bukakng-tubuh kito lobih kuat, ongko gunonyo oca' kito hidup lobih boi' di dunia ni'in. Apo, aman kito bolatih oca' hidup sosuai agatn kohonda' Allah, ongko gunonyo kito kinyo bayo hidup lobih boi' di dunia ni'in, malah kito pan ulih hidup somanah-manahnyo di sorugo.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.

Ibrani 7:19

Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.