Ibrani 7:16 - Porjanjian Boharu Torjomahan Baso Dilakng Soari-ari

¹⁶ Sio monjadi Imam bukainyo obai poraturan monsio, apo Sio monjadi Imam obai hidup-Nyo inyo bokuaso ongko kinyo ulih dibonasoan.

Ibrani 7:16 ပူးပေါင်းရင်းမြစ်များ

Roma 7:14

Kito tohu obai Hukupm Torat boasal doi' Roh Allah. Apo, aku ia'an monsio lomah. Aku culih molawatn kohonda'ku pakai' bodosa.

Galatia 4:3

Ubo nian jam agatn kito. Komai, kito sama'an bobia' inyo ija' kocit obai kito dikuaso'i boko poraturan doi' bomacapm-macapm agama di dunia ni'in.

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

Kolose 2:14

Gambarannyo sama'an ni'in: Somuo dosa kito tocatat dalapm surat hutakng inyo molawatn huatan moancapm kito. Apo Allah mohancuran surat nantai watu Yesus dipaku di kayu salib.

Kolose 2:20

Kaitn udah dibebasan doi' kuaso boko roh dunia ni'in. Kaitn moanggap kohidupan inyo manah nantai udah mati, ubonyo kaitn mati bosamo-samo agatn Kristus. Jadi, jangan kaitn hidup sama'an urakng inyo dikuaso'i ulih boko poraturan di dunia ni'in!

Ibrani 10:1

Porintah ongko poraturan di dalapm Hukupm Torat bayo sama'an kiasan mo doi' boko hal inyo boi' inyo datakng molalu'i Kristus. Hukupm Torat nantai kinyo monunju'an kosolamant'an inyo sobondarnyo. Obai nantai, boko urakng inyo datakng torus-monorus mombaba' posombahan inyo samo sotiap tohutn, sia' kinyo mungkitn monjadi sompurna di hadapan Allah agatn caro monuruti Hukupm Torat sama'an nantai.

Ibrani 7:15

Hal inyo dipandiran ni'in monjadi lobih jolas agi' obai Imam bukai inyo dipilih nantai samo sama'an Imam Melkisedek.

Ibrani 7:17

Obai, di dalapm Buku Suci ado pomandiran ni'in mongona'i Sio, “Kolai ia'an Imam pakai' somanah-manahnyo, samo sama'an Melkisedek.”

Ibrani 7:21

Apo, watu Allah moangkat Yesus monjadi Imam Agukng, ado sumpah doi' Allah. Sama'an ni'in pomandirannyo: “Tuhatn udah bosumpah. Sio kinyo paca'an morubah koputusan-Nyo. ‘Kolai nam Imam pakai' somanah-manahnyo.’ ”

Ibrani 7:28

Poraturan dalapm Hukupm Torat mombulah boko urakng inyo kinyo sompurna diangkat monjadi imam agukng. Apo lopas Hukupm Torat, ado sumpah inyo dipandiran Allah. Agatn sumpah nantai, Allah moangkat Ana'-Nyo monjadi Imam Agukng inyo sompurna pakai' somanah-manahnyo.

Ibrani 7:3

Solaitn nantai, conyiant kisah dalapm Buku Suci mongona'i indai, bopai, angki-bayatnnyo. Kolahirannyo huatan komatiannyo kinyo disobutan. Jadi, imam Melkisedek ado kosama'annyo agatn Ana' Allah. Io monjadi imam pakai' somanahnyo.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati