Ibrani 7:1 - Porjanjian Boharu Torjomahan Baso Dilakng Soari-ari

¹ Watu joman komai, Melkisedek nantai ia'an rajo di kota Salem. Io nam imam inyo molayati Allah inyo kotakng bokuaso. Watu nantai, Abrahapm botula' boparakng mongalahan boboropo rajo bukainyo. Watu Abrahapm bobali' doi' boparakng nantai Melkisedek mohimpa'i io lalu momborokatinyo.

Ibrani 7:1 ပူးပေါင်းရင်းမြစ်များ

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”

Kisah Boko Rasul 16:17

Botina' nantai hala bojalatn di bolikat koi agatn Paulus, kapikng mondongkakng-mondorah. Katonyo, “Boko urakng ni'in Polayatn Allah inyo Maho Tinggi! Sia' momboritoan ko kito mongona'i jalatn kosolamant'an!”

Ibrani 7:2

Lopas nantai, Abrahapm moonju' ko Melkisedek populuhan doi' somuo bando barakng inyo dirampas io watu boparakng nantai. Damo Melkisedek potamo-tamo boroti ‘rajo inyo bulah inyo bondar’. Ongko damo bukainyo ia'an ‘rajo inyo mombaba' sonang-asau’ obai io ia'an rajo Salem huatan Salem rotinyo ‘sonang-asau’.

Ibrani 7:3

Solaitn nantai, conyiant kisah dalapm Buku Suci mongona'i indai, bopai, angki-bayatnnyo. Kolahirannyo huatan komatiannyo kinyo disobutan. Jadi, imam Melkisedek ado kosama'annyo agatn Ana' Allah. Io monjadi imam pakai' somanahnyo.

Ibrani 7:6

Melkisedek nantai bukainyo koturutan Lewi apo io totap monorima' populuhan doi' Abrahapm. Solaitn nantai, biar pan Abrahapm inyo dionji'i janji doi' Allah, Melkisedek inyo momborokati Abrahapm.