Ibrani 6:13 - Porjanjian Boharu Torjomahan Baso Dilakng Soari-ari

^13-15 Porotian toladatn Abrahapm. Obai io sabar, jadi io monorima' borokat inyo dijanjian Allah ko io. Allah bopandir, “Aku bojanji Aku tajahan momborokati kolai. Aku tajahan moonji'i banya' koturutan ko kolai.” Watu Allah monjanjian hal nantai ko Abrahapm, Allah monguat'an janji-Nyo agatn bosumpah demi diri-Nyo siku'. Allah bosumpah demi diri-Nyo siku' obai conyiant urakng inyo lobih bokuaso doi' Sio.

Ibrani 6:13 ပူးပေါင်းရင်းမြစ်များ

Lukas 1:73

Janji Sio inyo dionju' ko Abrahapm, Bopai loluhur kito. Janji nian pakai' monyolamant'an kito doi' kuaso musuh oca' kito totap monyombah Sio huatan samo sokali co mooso gola',

Galatia 3:15

Boko somadikan, aku moonji'i contoh inyo opat dialapi monsio. Umpamonyo, ado duo urakng inyo bulah sobuah porjanjian. Lopas jadi porjanjian nantai disahan, co nyiant siku' urakng pan inyo dapat mombalakan porjanjian nantai. Co nyiant siku' urakng pan inyo ulih monambahan sosuatu ko dalapm porjanjian nantai. Biar pan porjanjian nantai bayo di antaro monsio, porjanjian nantai kinyo ulih borubah.

Galatia 3:18

Aman umpamonyo Allah moonji'i la'apo inyo Sio janjian ko siku' urakng obai urakng nantai monaati Hukupm Torat. Nantai rotinyo poonju' nantai kinyo dionju' obai Allah monjanjiannyo. Apo inyo bondar ia'an Allah moonji'i borokat ko Abrahapm obai Sio udah bulah porjanjian agatn Abrahapm.