Ibrani 6:10 - Porjanjian Boharu Torjomahan Baso Dilakng Soari-ari

¹⁰ Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Ibrani 6:10 ပူးပေါင်းရင်းမြစ်များ

Matius 10:42

Jadi, urakng inyo moonji'i socangkir ara'i ko kaitn obai kaitn murid-Ku, urakng nantai kinyo paca'an kohilakan upahnyo.”

Matius 20:7

Kato sia' ko io, ‘Obai nyiant ado urakng inyo moonji'i pokoroja'an ko koi.’ Katonyo ko sia', ‘Kaitn botula' bokorojo ja'am di kobutn anggurku.’

Matius 25:17

Ubo nian jam hulutn inyo monorima' duo ribu pingkai' duit. Io bodapat untukng duo ribu pingkai' duit agi'.

Markus 9:41

Sotiap urakng inyo monulukng kaitn obai kaitn nantai murid Kristus, pasti am urakng nantai paca'an monorima' upahnyo. Biar pan urakng nantai bayo moonji'i kaitn socangkir ara'i pakai' diminum. Dinga'anbo! Urakng nantai kinyo paca'an kohilakan upahnyo.”

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Kisah Boko Rasul 10:31

Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro.

Kisah Boko Rasul 10:4

Io kotakan gola', moniant molekat nantai. Io botakutn, “Ado la'apo Habakng?” Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai.

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

2 Korintus 9:1

Sobondarnyo, aku co pontikng monulis ko kaitn mongona'i bantu'an inyo tongahan dikiripm ko boko urakng inyo pocayo di Yerusalem.

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Ibrani 10:32

Apo, ingantcam watu solopas kaitn boharu pocayo ko Yesus ongko hidup dalapm torakng. Pado watu nantai, kaitn kotakng ajab sonsaro apo kaitn totap kuat botahatn.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

1 Yohanes 1:9

Apo, aman kito moaku'i boko dosa kito ko Allah, Sio monunju'an obai Sio sotia huatan adil. Obai nantaiam, Sio moamputi boko dosa kito, huatan momborosihi kito doi' boko porbuatan kito inyo jahat.