Ibrani 5:13 - Porjanjian Boharu Torjomahan Baso Dilakng Soari-ari

¹³ Sotiap urakng inyo ija' monyusu, boroti io ija' bobia'. Io bolupm momahami ajaran mongona'i caro hidup inyo bondar di hadapan Allah.

Ibrani 5:13 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Roma 2:20

Kaitn mondidik boko urakng inyo kinyo sonunuh huatan mongajar boko urakng inyo budu. Kaitn yakitn obai di dalapm Hukupm Torat kaitn momuku'i somuo pongotohuan ongko ajaran inyo bondar.

1 Korintus 13:11

Samo sama'an watu kito monjadi bujakng-bosar, boko hal inyo bosipat bobia' kinyo dipakai agi'. Watu kito ija' bobia', kito bopandir ubo bobia'. Kito bopikir sama'an bobia'. Kito bulah koputusan sama'an bobia'. Apo watu kito monjadi bujakng-bosar, kito botongga' bulah boko hal inyo bosipat sama'an bobia'.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Korintus 3:1

Boko somadikan, timpu aku bosamo kaitn, aku kinyo ulih mongajar kaitn sama'an boko urakng inyo dikuaso'i Roh Allah. Aku gola' mongajar kaitn sama'an boko urakng inyo hidup socaro monsio. Obai watu nantai kaitn samo sama'an boko ija' bobia' dalapm Kristus

2 Korintus 3:9

Obai monsio culih monaati somuo porintah huatan poraturan di Hukupm Torat, jadi polayatan Musa momimpitn monsio monjadi salah di hadapan Allah. Apo, polayatan Roh Allah momimpitn monsio monjadi bondar di hadapan Allah. Jadi, aman polayatan Musa mulia, polayatan Roh Allah pan lobih mulia agi'.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

2 Timotius 3:16

Soluruh Buku Suci ado obai bimbikan Allah. Obai nantai, somuo inyo ditulis di santai sangant boguno. Buku Suci boguno pakai' mongajar boko hal inyo bondar, pakai' moolikan urakng doi' kosalahan, pakai' mongomboi'i caro hidupnyo huatan pakai' monunju'an caro hidup inyo bondar dihadapan Allah.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

2 Yohanes 1:11

Obai, urakng inyo monyalapi urakng ubo nian, boroti io monulukng urakng nantai dalapm porbuatannyo inyo jahat.