Ibrani 4:7 - Porjanjian Boharu Torjomahan Baso Dilakng Soari-ari

⁷ Obai nantai am, Allah monontuan soari inyo bukai agi' oca' boko urakng nantai ulih mansu' tompat torahat nantai. Ari inyo dimasud nantai disobut ‘Sari ni'in’ dalapm pomandiran tontai nantai. Cukup manah lopas jadi angki-bayatn kito monula' Allah di padakng pasir, pomandiran ni'in disampaian molalu'i Daud, “Sari ni'in, watu kaitn mondinga' saro Tuhatn, jangan korikng hati.”

Ibrani 4:7 ပူးပေါင်းရင်းမြစ်များ

Ibrani 3:15

Sama'an pomandiran nantai am, “Pas ari ni'in, watu kaitn mondinga' saroTuhatn, jangan korikng hati sama'an angki-bayatn kaitn komai. Sia' molawatn Sio.”

Matius 22:43

“Aman ubo nian,” kato Yesus, “Hibo Roh Allah bulah Daud moningkau ‘Kristus’ sobagai ‘Tuhatn’? Ni'innam pomandiran Daud:

Kisah Boko Rasul 28:25

Sia' co sotuju. Jadi potomuan nantai dibubaran. Apo sobolupm sia' moninggalan tompat nantai, Paulus ija' bopandir sobuti' hal agi' ko sia'. Katonyo, “Timpu joman komai nabi Yesaya monyampaian pomandiran Roh Allah ko angki-bayatn kito. Pomandiran nantai topat bondar. Allah bopandir ko Yesaya,

Kisah Boko Rasul 2:31

Jadi, watu Daud monulis ‘Allah co tajahan mombiaran Aku totap mati’ huatan ‘Allah co paca'an mombiaran bangkai-Ku monjadi buru' di pasaran’, sobondarnyo Daud monulis pomandiran Rajo Inyo Dijanjian Allah nantai. Daud udah tohu Allah paca'an bulah Rajo nantai hidup agi' doi' komatian.

Lukas 20:42

Memang bondaram nantai. Apo porotian cam pomandiran ni'in inyo ditulis Daud di buku Mazmur: Tuhatn Allah bopandir ko Tuhatnku: ‘Dudu'cam di tompat inyo tohormat di sopia' kanan-Ku,

Markus 12:36

Memang bondaram nantai. Apo Roh Allah mombulah Daud monulis pomandiran ni'in: ‘Tuhatn Allah bopandir ko Tuhatnku: Dudu'cam di tompat inyo tohormat di sopia' kanan-Ku, sampai Aku mongalahan boko musuh Kolai, mombulah sia' monjadi samo sama'an kontonja'an kaki Kolai, mombulah sia' tundu' agatn kuaso Kolai.’

Kisah Boko Rasul 2:29

Petrus torus bopandir, Watu ni'in boko somadikan, aku pontikng bopandir torus torakng ko kaitn. Daud, rajo angki-bayatn kito nantai pasti io co monulis pomandiran nantai mongona'i dirinyo siku'. Io udah mati huatan dipasaram. Pasarannyo sampai ni'in ija' ado.