Ibrani 4:6 - Porjanjian Boharu Torjomahan Baso Dilakng Soari-ari

⁶ Jadi, boko urakng inyo lobih doholu mondinga' Kabar Boi' nantai, sia' culih mansu' obai sia' kinyo taat ko Allah. Aman sama'an nian, udah jolas ado jumlah urakng bukai, inyo ulih mansu' tompat torahat nantai.

Ibrani 4:6 ပူးပေါင်းရင်းမြစ်များ

Matius 21:43

Lalu Yesus bopandir, “Jadi, pondinga'ancam ni'in: Hak kaitn pakai' monjadi anggota Koraja'an Allah paca'an dikuti' doi' kaitn. Hak nantai paca'an dionju' ko banso inyo sotia molabuhan kohonda' Allah. [

Kisah Boko Rasul 28:28

Jadi, kaitn gola' mongotohu'i ni'in: borito mongona'i kosolamant'an doi' Allah nantai paca'an disampaian ko boko banso inyo bukainyo banso Yahudi, sia' paca'an pocayo agatn borito nantai.” [

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Ibrani 4:11

Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

Ibrani 4:2

Obai, Kabar Boi' nantai udah dipadahan ko kito samo sama'an ko angki-bayatn kito komai. Apo, borito nantai kinyo boguno pakai' sia' obai sia' kinyo pocayo watu mondinga'nyo.

Ibrani 4:9

Apo, obai Allah bopandir mongona'i ari nantai, jadi ija' ado ari torahat ari inyo kotujuh inyo paca'an datakng nononyo pakai' umant Allah.