Ibrani 4:15 - Porjanjian Boharu Torjomahan Baso Dilakng Soari-ari

¹⁵ Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 4:15 ပူးပေါင်းရင်းမြစ်များ

Matius 12:20

Io kinyo momutusan buluh inyo lokus; huatan kinyo moniup pompolitoan inyo honda' buta'. Io kinyo botongga' sampai koadilan monang.

Matius 4:1

Lopas nantai, Roh Allah moirikan Yesus ko padakng pasir inyo langunt oca' dicubo'i Rajo Sitatn.

Lukas 22:28

Kaitn totap sotia agatn Aku dalapm somuo kosusahan inyo Aku alapi.

Lukas 4:2

Watu Yesus ado di santai, somanahan ompat puluh ari Rajo Sitatn moncubo'i oca' Yesus bodosa. Somanahan watu nantai, Yesus kinyo bopua' la'apo pan. Koponsuahannyo Sio mooso kotakng kolaparan.

Yohanes 8:46

Sopo di antaro kaitn inyo ulih mombutian obai Aku bulah dosa? Aman Aku mongatoan kobondaran, hibo kaitn co pocayo pomandiran-Ku?

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

1 Petrus 2:22

Apo, Sio siku' co kalo bulah dosa. Sio co kalo mongatoan la'apo pan pakai' mongontumbuki monsio.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.