Ibrani 4:13 - Porjanjian Boharu Torjomahan Baso Dilakng Soari-ari

¹³ Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Ibrani 4:13 ပူးပေါင်းရင်းမြစ်များ

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 5:10

Obai, nononyo kito somuo gola' mohadap tahta Kristus pakai' diadili. Sotiap urakng tajahan monorima' balasan sotimpal agatn porbuatannyo di dunia ni'in, ia'an porbuatannyo inyo boi' damo inyo jahat.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Yohanes 2:24

Apo Yesus siku' co pocayo agatn sia', obai Sio mongonal somuo monsio.

Kisah Boko Rasul 17:31

Kito gola' moninggalan dosa obai Allah paca'an mohakipi somuo urakng agatn adil. Sio udah monontuan sombilo ponghakipan nantai paca'an tojadi. Sio jam udah momilih siku' Urakng pakai' monjadi Hakipm. Allah mombutian somuo nantai agatn caro mombulah Urakng nantai bobali' hidup doi' komatian.”

Matius 6:4

Ongko bayo Allah Bopai kaitn inyo ulih mongotohu'i hal nantai, kinyo urakng bukai. Ongko, Sio paca'an moonji'i upah ko kaitn.”

Yohanes 4:16

Kato Yesus ko botina' nantai, “Hingkascam, tingkau cam laki kolai baba' ko si'itn.”