Ibrani 4:11 - Porjanjian Boharu Torjomahan Baso Dilakng Soari-ari

¹¹ Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

Ibrani 4:11 ပူးပေါင်းရင်းမြစ်များ

Matius 11:12

Tangga'i Yohanes Pombaptis momboritoan Kabar Boi' sampai watu ni'in, ado boko urakng inyo monontakng Koraja'an Sorugo. Agatn kokorasan, sia' bousaha mongalahan Koraja'an Sorugo.

Matius 7:13

Lawakng noraka luar. Caro hidup inyo monuju ko su'utn mudah mo. Banya' urakng inyo jumpat caro hidup nantai. Apo caro hidup inyo monuju ko Koraja'an Sorugo uyuh. Obai nantai, kaitn gola' mansu' Koraja'an Sorugo molalu'i lawakng inyo songka'! Obai lawakngnyo songka', bayo sodikit urakng inyo monomuannyo.”

Lukas 13:24

Lalu Yesus monimbas, “Koraja'an Allah soumpamo sobuah rumah agatn lawakng inyo songka'. Bousahacam pakai' mansu' molalu'i lawakng inyo songka' nantai, obai banyaꞌ urakng inyo moncubo mansu', apo bayo sodikit inyo ulih.

Lukas 16:16

Komai urakng bolajar kohonda' Allah doi' boko buku porintah huatan poraturan Allah inyo ditulis Musa dalapm Hukupm Torat. Boko urakng pan bolajar doi' boko buku inyo ditulis boko nabi. Apo, doi' ija' Yohanes Pombaptis mo, borito boi' mongonaꞌi Koraja'an Allah diboritoan, Rajo Inyo Dijanjian Allah udah datakng. Sotiap urakng bousaha koras pakai' mansu' ko dalapm Korajaan-Nyo.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Kisah Boko Rasul 26:19

Obai nantai, Habakngku Agripa, aku kotakan monaati porintah inyo Yesus onju' ko aku dalapm poniant'an doi' sorugo.

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Kolose 3:6

Boko hal jahat nantai bulah Allah kotakng godi. Sio paca'an mohukupm boko urakng inyo kinyo monaati-Nyo.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Ibrani 3:12

Jadi, boko somadikan, boboi'cam oca' kinyo ado di antaro kaitn inyo bohati jahat inyo kinyo honda' pocayo ko Allah. Jangan sampai kaitn botongga' taat ko Allah inyo hidup.

Ibrani 3:18

Sopo am inyo dimasud Tuhatn watu Sio bosumpah, “Sia' tajahan cokalo mansu' ko dalapm tompat torahat-Ku”? Nantai ia'an sia' inyo kinyo monaati Sio.

Ibrani 4:6

Jadi, boko urakng inyo lobih doholu mondinga' Kabar Boi' nantai, sia' culih mansu' obai sia' kinyo taat ko Allah. Aman sama'an nian, udah jolas ado jumlah urakng bukai, inyo ulih mansu' tompat torahat nantai.

Ibrani 6:11

Apo koi honda' kaitn siku'-monyiku' totap torus bosomangant mombulah sama'an nantai sampai ahir, oca' kaitn yakitn mongona'i harapan kaitn.

2 Petrus 2:6

Allah jam mohukupm kota Sodom huatan Gomora. Sio momusnahan boko kota nantai agatn api sampai monjadi habu. Agatn sama'an nian, Allah moonji'i poringant'an ko boko urakng inyo molawatn-Nyo di joman nononyo.