Ibrani 3:7 - Porjanjian Boharu Torjomahan Baso Dilakng Soari-ari

⁷ Jadi, kaitn gola' monuruti pomandiran Roh Allah ni'in: “Sari ni'in, watu kaitn mondinga' saro Tuhatn,

Ibrani 3:7 ပူးပေါင်းရင်းမြစ်များ

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 22:43

“Aman ubo nian,” kato Yesus, “Hibo Roh Allah bulah Daud moningkau ‘Kristus’ sobagai ‘Tuhatn’? Ni'innam pomandiran Daud:

Markus 12:36

Memang bondaram nantai. Apo Roh Allah mombulah Daud monulis pomandiran ni'in: ‘Tuhatn Allah bopandir ko Tuhatnku: Dudu'cam di tompat inyo tohormat di sopia' kanan-Ku, sampai Aku mongalahan boko musuh Kolai, mombulah sia' monjadi samo sama'an kontonja'an kaki Kolai, mombulah sia' tundu' agatn kuaso Kolai.’

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 10:27

Boko domba-Ku mondinga'an saro-Ku. Aku mongonal sia' huatan sia' tuyut Aku.

Yohanes 10:3

Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 28:25

Sia' co sotuju. Jadi potomuan nantai dibubaran. Apo sobolupm sia' moninggalan tompat nantai, Paulus ija' bopandir sobuti' hal agi' ko sia'. Katonyo, “Timpu joman komai nabi Yesaya monyampaian pomandiran Roh Allah ko angki-bayatn kito. Pomandiran nantai topat bondar. Allah bopandir ko Yesaya,

Kisah Boko Rasul 8:29

Pas Filipus moniant urakng Etiopia nantai, Roh Allah bopandir ko io, “Hampiki koreta nian.”

Ibrani 10:15

Roh Allah bosasi ko kito mongona'i nantai jam. Sio bopandir,

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Ibrani 3:15

Sama'an pomandiran nantai am, “Pas ari ni'in, watu kaitn mondinga' saroTuhatn, jangan korikng hati sama'an angki-bayatn kaitn komai. Sia' molawatn Sio.”

Ibrani 4:7

Obai nantai am, Allah monontuan soari inyo bukai agi' oca' boko urakng nantai ulih mansu' tompat torahat nantai. Ari inyo dimasud nantai disobut ‘Sari ni'in’ dalapm pomandiran tontai nantai. Cukup manah lopas jadi angki-bayatn kito monula' Allah di padakng pasir, pomandiran ni'in disampaian molalu'i Daud, “Sari ni'in, watu kaitn mondinga' saro Tuhatn, jangan korikng hati.”

Ibrani 9:8

Agatn poraturan nantai, Roh Allah monunju'an ni'in: Somanah kemah inyo potamo nantai ija' ada'an, jadi jalatn mansu' ko Tompat inyo Suci nantai bolupm tobuka'.

2 Petrus 1:21

Obai, boko nabi co kalo monyampaian pomandiran obai kohonda' sia'. Sia' monyampaian Pomandiran Allah obai Roh Allah ado di dalapm diri sia'.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.