Ibrani 3:6 - Porjanjian Boharu Torjomahan Baso Dilakng Soari-ari

⁶ Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 3:6 ပူးပေါင်းရင်းမြစ်များ

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

Matius 16:18

Dinga'anbo! Kolai ia'an Petrus, inyo rotinyo ‘Bukit Batu’. Di pucu' bukit batu ni'in Aku paca'an mombangun jomaat-Ku huatan kuaso komatian kinyo mampu mongalahan sia'.

Matius 24:13

Apo boko urakng inyo totap botahatn sotia ko Aku sampai ahir, sia' paca'an disolamant'an.

Roma 11:22

Jadi, kito ulih moniant obai Allah boi' hati apo Sio pan koras aman monsio gola' dihukupm. Sio botindak koras agatn boko urakng Yahudi nantai inyo kinyo pocayo. Apo Sio boi' hati agatn kaitn, asal kaitn totap hidup di dalapm koboi'an Allah nantai. Aman cado, kaitn tajahan dipatahan jam.

Roma 12:12

Sonang-nyamancam obai kaitn yakitn boharap ko Tuhatn. Kaitn gola' botahatn mohadapi ajab sonsaro ongko hala bodoa.

Roma 15:13

Boko somadikan! Allah inyo moonji'i harapan ko kito. Aku bodoa obai kaitn pocayo ko Kristus, jadi Allah tajahan bulah kaitn kotakan sonang-nyamanam ongko hidup agatn sonang-asau. Aku bodoa pakai' nantai oca' kuaso Roh Allah bulah kaitn mongkitn boharap ko Sio.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Galatia 6:9

Obai nantai, jangan botongga' bulah koboi'an. Pado watu inyo ditontuan Allah, kito paca'an mondapat'an somuo inyo dijanjian-Nyo. Kito paca'an mondapat'annyo, aman kito kinyo botongga' bulah koboi'an.

Efesus 3:12

Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

1 Tesalonika 5:16

Hala rindakng-rigahcam.

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Ibrani 10:19

Jadi, boko somadikan, obai Yesus mati pakai' kito, jadi watu ni'in kito ulih mansu' ko dalapm hadirat Allah. Samo sama'an sia' ulih mansu' ko bolikat tidikng ia'an ko dalapm Ruakan Maho Suci di Rumah Allah. Obai, bukakng-tubuh Yesus siku' monjadi tidikng nantai. Sio udah mombuka' jalatn boharu nantai pakai' jalatn kito inyo moonji'i kohidupan.

Ibrani 10:21

Sio ia'an Imam Agukng kito inyo momimpitn Rumah Allah.

Ibrani 10:23

Mara kito yakitn moharap'an somuo inyo dijanjian Allah. Nantai am harapan inyo udah kito pocayo'i. Kito ulih moyakiti mongona'i nantai obai Sio inyo monjanjiannyo hala ulih dipocayo.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 11:1

Aman kito pocayo ko Allah, rotinyo kito bondar-bondar yakitn mongona'i somuo inyo kito harapan. Kito yakitn obai Sio tajahan momonuhi somuo janji-Nyo, biar pan kito bolupm ulih moniantnyo.

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

Ibrani 4:11

Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

Ibrani 6:11

Apo koi honda' kaitn siku'-monyiku' totap torus bosomangant mombulah sama'an nantai sampai ahir, oca' kaitn yakitn mongona'i harapan kaitn.

Ibrani 6:18

Watu Allah moucap'an janji-Nyo ongko sumpah-Nyo, co mungkitn Sio tumbukan. Koduo hal nantai kinyo ulih borubah. Obai nantai, kito inyo datakng ko Sio oca' dilinduki, hati kito monjadi kotakng kuat pakai' boharap obai nononyo kito paca'an monorima' borokat inyo dijanjian Allah ko kito.

Ibrani 7:19

Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

1 Petrus 4:17

Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.

Wahyu 2:18

“Tuliscam pomandiran ni'in ko molekat inyo monjago jomaat di Tiatira: Pomandiran ni'in doi' ana' Allah, inyo mato-Nyo sama'an api huatan kaki-Nyo sama'an tombago

Wahyu 2:25

Apo pas Aku datakng nononyo, honda'nyo kaitn totap moikuti la'apo inyo udah umputn kaitn.

Wahyu 2:26

Ko boko urakng inyo monang, boko urakng inyo molabuhan kohonda'-Ku sampai ahir dunia, Aku paca'an moonju' ko sia' kuaso di pucu' boko banso.

Wahyu 3:11

Aku paca'an oca'mo datakng! Totap sotia pocayo ko aku oca' co nyiant ado urakng inyo ulih morampas hadiah komonangan kaitn.