Ibrani 3:12 - Porjanjian Boharu Torjomahan Baso Dilakng Soari-ari

¹² Jadi, boko somadikan, boboi'cam oca' kinyo ado di antaro kaitn inyo bohati jahat inyo kinyo honda' pocayo ko Allah. Jangan sampai kaitn botongga' taat ko Allah inyo hidup.

Ibrani 3:12 ပူးပေါင်းရင်းမြစ်များ

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 24:4

Yesus monimbas sia', “Boboi'cam! Jangan sampai kaitn dikotumbuki.

Markus 13:23

Jadi boboi' cam! Aku udah momandirannyo ko kaitn mongona'i boko hal ni'in sobolupm tojadi.”

Markus 13:33

“Kaitn gola' bojago-jago! Obai, kaitn kinyo tohu sombilo watunyo.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Lukas 21:8

Yesus bopandir, “Boboi'cam! Jangan sampai kaitn dikotumbuki mongonaꞌi watu Aku bobali'. Banyaꞌ urakng paca'an datakng inyo mongaku' ubonyo io nantai Aku. Sia' paca'an bopandir, ‘Aku ni'inam Rajo Inyo Dijanjian Allah! Watu ni'in udah ahir joman!’ Jangan sampai kaitn pocayo ongko monjadi pongikut sia'.

Roma 11:21

Obai, sia' nam boko dahatn aslinyo, apo Allah totap momatahan sia'. Jangan bopikir Allah kinyo paca'an molabuhan nantai ko kaitn.

1 Korintus 10:12

Obai nantai, urakng inyo moanggap dirinyo kuat pocayo gola' boboi'. Jangan sampai io jatu' dalapm dosa.

Kolose 2:8

Boboi'cam jangan ado urakng inyo mongontumbuki kaitn agatn ajaran inyo kinyo boguno, ajaran inyo salah. Boko ajaran nantai doi' pondapat monsio, doi' boko roh inyo bokuaso di dunia ni'in, kinyo doi' Kristus.

1 Tesalonika 1:9

Obai sia' inyo lobih doholu mongisahan ko koi mongona'i kaitn. Sia' udah tohu caro kaitn monorima' koi. Sia' mongisahan obai kaitn udah tongga'am monyombah boko duato ongko mula'i monyombah Allah. Ongko, kaitn molayati bayo ko Allah inyo hidup, Allah inyo bondar.

Ibrani 10:31

Jadi, ngeri' bondar aman urakng bodosa sama'an nantai huatan gola' dihukupm Allah inyo hidup.

Ibrani 10:38

Umant-Ku inyo bondar paca'an pocayo, jadi sia' tajahan bodapat hidup inyo sobondar-bondarnyo. Apo aman ado inyo mundur jadi Aku co sonang agatn io.”

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

Ibrani 3:10

Nantai am sobabnyo Aku kotakng godi agatn boko urakng joman nantai. Aku bopandir: ‘Hati sia' hala monjumpati jalatn inyo salah. Sia' kinyo honda' mongonal jalatn-Ku.’

Ibrani 3:19

Jadi, udah jolas angki-bayatn kito nantai kinyo ulih mansu' obai sia' kinyo pocayo.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.