Ibrani 2:9 - Porjanjian Boharu Torjomahan Baso Dilakng Soari-ari

⁹ Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

Ibrani 2:9 ပူးပေါင်းရင်းမြစ်များ

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

Roma 5:18

Jadi, sobuti' dosa ulih Adapm mombulah somuo urakng monjadi salah di hadapan Allah. Sama'an nian jam, sobuti' porbuatan bondar ulih Yesus mombulah somuo urakng monjadi bondar di hadapan Allah, sampai sia' mondapat kohidupan inyo sobondarnyo.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

2 Korintus 5:15

Masudnyo ubo ni'in: Kristus udah mati pakai' somuo urakng. Sio molabuhan nantai oca' boko urakng, inyo hidup, sia' co hidup pakai' monyonangan diri sia' siku', apo sia' hidup pakai' monyonangan Sio, ia'an Sio inyo udah mati ongko bobali' hidup agi' pakai' sia'.

Ibrani 10:5

Obai nantai am watu Kristus datakng ko dunia ni'in, Sio bopandir ko Allah, “Duatn kinyo mohonda'i kurbatn bonatakng ongko posombahan. Duatn kinyo sonang agatn posombahan inyo ditunu'i. Duatn kinyo sonang agatn kurbatn bonatakng inyo di onju' oca' dosa urakng diamputi. Apo Duatn udah moonju' bukakng-tubuh pakai'-Ku.

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Yohanes 1:29

Kohobu'annyo, Yohanes moniant Yesus datakng ko io. Yohanes bopandir, “Tiat! Numbo, Ana' Domba inyo diutus Allah oca' mohapus dosa dunia.

Yohanes 12:32

Pas Aku diangkat doi' bumi, Aku paca'an mombaba' somuo urakng oca' datakng ko aku.”

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

Ibrani 8:3

Somuo imam agukng diangkat pakai' momposombahan kurbatn bonatakng huatan posombahan inyo bukai ko Allah. Sama'an nian jam Imam Agukng kito. Sio gola' ado posombahan inyo Sio onju'.

1 Timotius 2:6

Yesus monyorahan diri sampai mati pakai' monanggukng hukupan dosa somuo urakng. Hal ni'in dibutian pas watu inyo ditontuan Allah.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Yohanes 10:17

Ninam sobabnyo Bopai mongasihi Aku: Obai Aku monyorahan hidup-Ku pakai' monorima'nyo agi'.

Yohanes 8:52

Boko pomimpitn agama Yahudi nantai bopandir ko Yesus, “Watu ni'in koi tohu obai Duatn bondar-bondar korasu'an sitatn! Obai, Abrahapm udah mati, ubo nian jam boko nabi. Apo Duatn mongatoan: somuo urakng inyo monuruti pomandiran-Ku, sia' co paca'an mati somanah-manahnyo.

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Wahyu 19:12

Mato-Nyo sama'an api tongahan bonyalo. Sio ado banya' mahkota di kopala'-Nyo. Ado damo totulis di Sio inyo kinyo dikotohu'i sopo pan, solaitn Sio siku'.

Ibrani 2:7

Kinyo manah Duatn mombulah kodudu'an sia' lobih babah doi' boko molekat. Duatn udah mombulah sia' monjadi mulia ongko tohormat.

Lukas 9:27

Dinga'an bo, ado urakng di antaro kaitn somuo di si'itn inyo kinyo paca'an mati sobolupm moniant Koraja'an Allah.”

Markus 9:1

Yesus pan bopandir, “Dinga'anbo! Ado urakng di antaro kaitn somuo di si'itn inyo kinyo paca'an mati sobolupm moniant Koraja'an Allah datakng agatn kuasonyo.”

Matius 6:28

Jangan kaitn kuatir mongona'i pakai'an. Porotian jam boko kombakng bakukng inyo tumbuh. Boko kombakng bakukng nantai kinyo bokorojo kinyo monjohit.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Ibrani 1:9

Duatn sonang aman urakng bulah inyo bondar, apo Duatn kinyo sonang aman urakng mombulah inyo jahat. Nantai am sobabnyo Allah, Allah Duatn monuyungan minya' di pucu' Duatn sobagai tando Sio mohormati Duatn lobih doi' boko pokawalan Duatn. Ponghormatan nantai mombulah Duatn sonang-nyaman.”

Ibrani 11:5

Obai Henokh pocayo, jadi io kinyo mati. Timpu io ija' hidup, io mohilakng obai Allah moangkat io ko sorugo Dalapm Buku Suci udah totulis obai sobolupm Henokh diangkat, io ia'an urakng inyo monyonangan hati Allah.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.