Ibrani 2:4 - Porjanjian Boharu Torjomahan Baso Dilakng Soari-ari

⁴ Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

Ibrani 2:4 ပူးပေါင်းရင်းမြစ်များ

Kisah Boko Rasul 14:3

Apo, Paulus ongko Barnabas bodiapm cukup manah di su'utn. Agatn borani, sia' duo momboritoan Kabar Boi' mongona'i Tuhatn Yesus. Sia' duo bopandir biar pan urakng kinyo cucu' pakai' disolamant'an, apo Yesus totap monunju'an koboi'an hati-Nyo. Tuhatn Yesus moonji'i kuaso ko Paulus ongko Barnabas pakai' molabuhan bomacapm mujisat. Niannam caronyo Tuhatn mombutian obai somuo pomandiran sia' bondar.

Efesus 1:5

Allah mongasihi kito. Jadi, doi' somulo, Sio momilih kito pakai' monjadi boko poana'an-Nyo obai porbuatan Yesus Kristus. Allah molabuhan somuo nantai obai nian sosuai agatn kohonda'-Nyo huatan monyonangan hati-Nyo.

Markus 16:20

Boko murid-Nyo botula' momboritoan Kabar Boi' ko soluruh dunia. Tuhatn Yesus bokorojo dalapm diri sia' oca' sia' ulih mombulah mujisat. Agatn sama'an nantai, Sio mombutian obai inyo diboritoan sia' bondar.

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Markus 6:14

Timpu nantai, Rajo Herodes momorintah di propinsi Galilea. Sio mondinga' boko borito mongona'i Yesus obai damo Yesus monjadi tokonal di soluruh doerah nantai. Ado urakng inyo bopandir, “Yesus nam Yohanes Pombaptis inyo udah hidup agi'. Nantai am sobabnyo Sio ado kuaso pakai' mombulah mujisat.”

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

Efesus 4:7

Apo Kristus moonji'i komampuan husus ko kito siku'-monyiku' sosuai agatn kohonda'-Nyo.

Ibrani 6:4

Obai, boko urakng inyo kalo hidup dalapm torakng, kalo monorima' borokat doi' Allah, kalo monorima' Roh Allah,