Ibrani 2:2 - Porjanjian Boharu Torjomahan Baso Dilakng Soari-ari

² Obai soandainyo, Pomandiran Allah inyo disampaian boko molekat ko boko angki-bayatn kito ija' joman komai tonyato bondar sampai boko urakng inyo kinyo monurutinyo dihukupm sosuai agatn porbuatan sia',

Ibrani 2:2 ပူးပေါင်းရင်းမြစ်များ

Kisah Boko Rasul 7:53

Joman komai Allah moutus boko molekat-Nyo pakai' monyampaian boko porintah-Nyo ko angki-bayatn kaitn. Ni'inan, boko porintah nantai udah ado dalapm Buku Suci, apo kaitn co monaati nantai!”

Galatia 3:19

Aman ubo nian, ma'apo Allah moonji'i Hukupm Torat ko Musa? Allah moonju' Hukupm Torat nantai oca' kito tohu obai kito molanggar boko porintah Allah. Allah bomasud oca' Hukupm Torat nantai totap monjago sampai watu koturutan Abrahapm inyo dijanjian nantai datakng, ia'an Yesus. Allah moonju' Hukupm Torat nantai molalu'i boko molekat inyo monyampaiannyo ko siku' monsio sobagai porontaro Allah agatn monsio.

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

Ibrani 10:28

Watu joman komai, aman duo damo tigo urakng bosasi obai ado urakng inyo monula' Hukupm Allah inyo dionju' Musa, jadi urakng nantai dihukupm mati. Conyiant amputn-adilnyo inyo ditunju'an ko io.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

2 Petrus 1:19

Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.

Yudas 1:5

Pasti Tuhatn mohukupm urakng inyo jahat. Kaitn udah mongotohu'i mongona'i somuo ni'in, apo aku honda' moingant'an kaitn aja'am. Timpu joman komai, Tuhatn monyolamant'an banso Israel doi' hulutn-pacal di nogori Mesir. Apo, lopas nian Sio mombonasoan sia' inyo kinyo pocayo.