Ibrani 2:18 - Porjanjian Boharu Torjomahan Baso Dilakng Soari-ari

¹⁸ Obai Yesus mondorita' pas Sio mohadapi poncoba'an, jadi Sio ulih monulukng boko urakng inyo mohadapi poncoba'an.

Ibrani 2:18 ပူးပေါင်းရင်းမြစ်များ

Lukas 22:28

Kaitn totap sotia agatn Aku dalapm somuo kosusahan inyo Aku alapi.

Lukas 22:53

Sotiap ari Aku hala ada'an agatn kaitn di tongahlamanan Rumah Allah, apo timpu nantai kaitn co monangkap Aku. Apo ninam watunyo kaitn labuh, watu Rajo Sitatn bulah pokoroja'annyo inyo jahat.”

Yohanes 10:29

Bopai-Ku inyo moonju' sia' ko aku. Sio lobih bokuaso daripado sopo pan. Jadi, conyiant siku' urakng pan inyo ulih morobut sia' doi' jari-Nyo.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Yudas 1:24

Allah inyo satu-satunyo, bokuaso monjago kaitn oca' kaitn kinyo jatu' ko dalapm dosa. Sio bokuaso mombaba' kaitn ko hadapan-Nyo inyo mulia dalapm koadaan kaitn borosih doi' dosa. Timpu nantai, kaitn pan paca'an kotakan sonang-nyaman.

Wahyu 3:10

Kaitn udah monaati porintah-Ku pakai' botahatn dalapm mohadapi ajab sonsaro. Obai niannam, Aku paca'an molinduki kaitn doi' masa kosusahan inyo paca'an monimpa soluruh dunia. Hal nantai tojadi pakai' mouji somuo monsio inyo bodiapm di bumi.