Ibrani 2:17 - Porjanjian Boharu Torjomahan Baso Dilakng Soari-ari

¹⁷ Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 2:17 ပူးပေါင်းရင်းမြစ်များ

Roma 15:17

Obai nantai, aku bangga mongona'i polayatan inyo Kristus Yesus kona'an ko aku pakai' Allah.

Roma 5:10

Komai, kito molawatn Allah. Apo kito bobali' bohubukan boi' agatn Sio obai Ana'-Nyo mati pakai' kito. Obai Yesus udah molabuhan nantai, pasti Sio jam paca'an monyolamant'an kito inyo udah bobali' bohubukan boi' agatn Allah. Obai Yesus hidup, jadi kito paca'an mondapat'an hidup kokal jam.

Kolose 1:21

Memang komai kaitn hidup jouh doi' Allah. Kaitn nantai musuhAllah dalapm hati huatan pikiran kaitn. Obai, porbuatan kaitn jahat jam.

Ibrani 10:21

Sio ia'an Imam Agukng kito inyo momimpitn Rumah Allah.

Ibrani 2:11

Yesus momborosihi monsio doi' dosa. Sio inyo momborosihi ongko sia' inyo diborosihi, Bopai sia' siku'. Nantai am alasannyo Yesus kinyo malu monyobut sia' boko somadikan-Nyo.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Ibrani 2:16

Jadi, udah jolas bukainyo boko molekat inyo ditulukng Yesus. Apo, Sio monulukng kito koturutan Abrahapm.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

Ibrani 3:2

Sio sotia ko Allah inyo moutus Sio, samo sama'an Musa sotia momimpitn banso Israel.

Ibrani 3:5

Musa sotia sobagai polayatn dalapm rumah Allah, ia'an nantai banso Israel. Polayatan Musa monunju'an mongona'i kojadian inyo paca'an diboritoan nononyo.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 5:1

Sotiap imam agukng dipilih doi' monsio. Io diangkat monjadi porontaro pakai' monsio dalapm hubukan sia' agatn Allah. Imam agukng monguti' posombahan boko urakng lalu moonju'nyo ko Allah, tomansu' boko kurbatn bonatakng inyo diposombahan oca' boko dosa sia' diamputi.

Ibrani 5:10

Allah moningkau Sio monjadi Imam Agukng, samo sama'an Melkisedek monjadi imam ija' joman komai.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

Ibrani 5:5

Sama'an nian jam, Kristus kinyo moangkat diri-Nyo siku' monjadi Imam Agukng. Apo Allah inyo moangkat Sio. Kato Allah ko Sio, “Kolainam Ana'-Ku. Sari ni'in Aku udah monunju'an obai Akunam Bopai Kolai.”

Ibrani 7:26

Nantai am Imam Agukng inyo kito pontikan. Sio suci, kinyo kalo bulah dosa damo kosalahan. Sio disongkayoan doi' boko urakng bodosa huatan diangkat ko tompat inyo kotakng tinggi di sorugo.

Ibrani 7:28

Poraturan dalapm Hukupm Torat mombulah boko urakng inyo kinyo sompurna diangkat monjadi imam agukng. Apo lopas Hukupm Torat, ado sumpah inyo dipandiran Allah. Agatn sumpah nantai, Allah moangkat Ana'-Nyo monjadi Imam Agukng inyo sompurna pakai' somanah-manahnyo.

Ibrani 8:1

Inti doi' somuo inyo sampai dikisahan di si'itan: Kito ado Imam Agukng inyo sama'an dikisahan nantai. Sio dudu' di tompat inyo tohormat di sorugo, di sopia' kanan tahta Allah inyo kotakng bokuaso.

Ibrani 8:3

Somuo imam agukng diangkat pakai' momposombahan kurbatn bonatakng huatan posombahan inyo bukai ko Allah. Sama'an nian jam Imam Agukng kito. Sio gola' ado posombahan inyo Sio onju'.

Ibrani 9:11

Apo Kristus udah datakng sobagai Imam Agukng. Molalu'i Sio, boko hal inyo boi' udah datakng. Sio udah mansu' potungguan inyo lobih bosar huatan lobih sompurnadoi' kemah inyo manah nantai. Kemah nantai kinyo di pulah monsio. Rotinyo, potungguan nantai kinyo boasal doi' dunia inyo dipulah ni'in.