Ibrani 2:1 - Porjanjian Boharu Torjomahan Baso Dilakng Soari-ari

¹ Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.

Ibrani 2:1 ပူးပေါင်းရင်းမြစ်များ

Matius 16:9

Kaitn ija' bolupm mongoroti jam! Tongkolupatn kaitam kojadian lima' roti dionju' ko lima' ribu urakng? Lalu ado banya' sisa'nyo inyo kaitn kumpulan.

Markus 8:18

Kaitn ado mato huatan kolindakan. Apo kaitn co mongoroti la'apo inyo ditiat huatan didinga' kaitn. Kata'an udah tongkolupatn kaitn am mujisat inyo udah Ku pulah?

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.

Ibrani 12:5

Jangan kolupatn nosihat ni'in doi' Buku Suci inyo disampaian ko kaitn sobagai poana'an: “Ana'ku! Aman Tuhatn mondidik kolai, jangan disopelean nantai. Aman Sio monogur kolai, jangan putus asa.

2 Petrus 1:15

Jadi, aku bousaha agatn koras watu ni'in oca' kaitn tajahan hala moingant somuonyo nantai biar pan aku udah mati.

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.