Ibrani 13:7 - Porjanjian Boharu Torjomahan Baso Dilakng Soari-ari

⁷ Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.

Ibrani 13:7 ပူးပေါင်းရင်းမြစ်များ

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Lukas 12:42

Yesus monimbas, “Pongajaran-Ku nantai pakai' sotiap urakng inyo pintar corodi' ongko sotia agatn Aku. Io samo ubo hulutn inyo sotia ongko pintar-corodi'. Habakngnyo moangkatnyo monjadi kopala' boko hulutn bukainyo. Habakngnyo moonji'i tanggukng-jawab ko io pakai' moonji'i pomakatn ko boko hulutn bukainyo pas watunyo.

Lukas 5:1

Pas ari nantai Yesus mongajar di pinggir Danau Genesaret. Watu Yesus mongajar, banyaꞌ urakng bonsonsongka'an mongorumuni Sio honda' mondingaꞌan pomandiran Allah. Obai nianam Yesus toganggu' dalapm monyampaian pongajaran-Nyo.

Lukas 8:11

Ni'innam roti poumpamoan nantai: Bonih nantai samo agatn pomandiran Allah.

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Roma 10:17

Jadi, kosimpulannyo, monsio monjadi pocayo obai sia' mondinga' Kabar Boi'. Ongko sia' mondinga' kabar nantai obai ado monsio inyo momboritoan mongona'i Kristus.

1 Korintus 10:13

Kaitn dicubo'i agatn caro inyo dialapi boko urakng bukai jam. Apo Allah hala sotia. Sio kinyo mombiaran kaitn dicubo'i lobih daripado kokuatan kaitn. Solaitn nantai, watu kaitn dicubo'i, Allah pan paca'an moonji'i jalatn koluar ko kaitn. Oca' kaitn mampu mohadapi coba'an nantai.

1 Korintus 11:1

Jadi, turuticam toladatnku nantai, samo sama'an aku monuruti toladatn Kristus.

1 Korintus 4:16

Obai nantai, aku monosihat'i kaitn: Tirucam toladatnku.

Filipi 3:17

Boko somadikan, tuyutcam toladatnku. Porhatiancam boko urakng inyo hidup sosuai agatn toladatn koi.

1 Tesalonika 1:6

Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

2 Tesalonika 3:7

Kaitn siku' udah tohu obai kaitn gola' monumpakng caro hidup koi. Watu koi bosamo agatn kaitn, koi co pocalan.

2 Tesalonika 3:9

Sobondarnyo, koi ado hak pakai' monuntut la'apo inyo koi pontikan ko kaitn. Apo koi co molabuhan hal nantai. Koi bokorojo somombondarannyo oca' kaitn ulih monumpakng caro hidup nantai.

1 Timotius 3:5

Obai aman io co sanggup momimpitn koluarganyo siku', pasti io co sanggup momimpitn jomaat Allah.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

Ibrani 13:24

Sampaian cam salapm ko somuo pomimpitn kaitn ongko somuo urakng umant husus umputn Allah. Boko somadikan doi' propinsi Italia monyampaian salapm ko kaitn.

Ibrani 6:12

Agatn sama'an nantai, kaitn kinyo tajahan monjadi pocalan, apo kaitn tajahan moikuti toladatn boko urakng inyo pocayo komainyo. Obai sia' pocayo huatan obai sia' sabar, jadi sia' monorima' borokat inyo dijanjian Allah.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 20:4

Lalu, aku moniant boko tahta. Boko urakng inyo dudu' di pucu'nyo dionji'i kuaso pakai' mohakipi. Aku pan moniant boko jiwa sia' inyo diponggal kopala'nyo obai sia' bosasi mongona'i Yesus ongko momboritoan Pomandiran doi' Allah. Ia'an sia' inyo co monyombah bonatakng ongko lompatukng nantai, sia' inyo kinyo monorima' tando bonatakng nantai di koning huatan jarinyo. Sia' hidup agi' lalu momorintah sobagai rajo bosamo Kristus somanah soribu tohutn nantai.

Wahyu 6:9

Lopas nian, Ana' Domba nantai mombuka' segel kolima'. Watu nantai, aku moniant banya' jiwa di babah mesbahAllah. Boko jiwa nantai ia'an boko urakng inyo udah dibunuh obai sia' momboritoan Pomandiran doi' Allah huatan obai sia' bosasi mongona'i Yesus.