Ibrani 13:5 - Porjanjian Boharu Torjomahan Baso Dilakng Soari-ari

⁵ Jangan cinta duit. Puasan aja'am diri kaitn agatn kodampuan inyo udah jadi umputn kaitn. Obai, Allah udah bopandir, “Aku kinyo kalo tajahan moninggalan kolai. Aku kinyo kalo tajahan mombiaran kolai sonsiku'an.”

Ibrani 13:5 ပူးပေါင်းရင်းမြစ်များ

Matius 6:19

“Jangan mongumpulan kodampuan pakai' diri kaitn di dunia ni'in. Bubu' ongko togar morusa' bando barakng di dunia ni'in. Apotolagi', pongolit ulih mansu' ko tompat ponyimpatan bando barakng nantai ongko mongolitnyo.

Matius 6:25

“Obai nantai, jangan kuatir mongona'i makatan damo minuman pakai' hidup kaitn. Jangan kuatir mongona'i pakai'an pakai' bukakng-tubuh kaitn. Hidup lobih pontikng doi' pomakatn. Bukakng-tubuh lobih pontikng doi' pakai'an.

Matius 6:34

Obai nantai, ari ni'in jangan kuatir mongona'i ari hobu'. Hobu' urusan hobu'. Ado cukup banya' kosusahan dalapm soari pakai' dipikiran.”

Markus 7:22

bomporajoan agatn inyo bukai doi' bini damo lakinyo, monjadi sorakah, bulah kojahatan, monipu, bulah kinyo sopatn, monjadi tungi-dongki, mohanyam, monjadi buhau, monjadi uyuh diajar.

Lukas 3:14

Ado jam projurit inyo botakutn, “Niant apo agatn koi? La'apo inyo gola' koi labuhan?” Yohanes monimbas, “Jangan momoso minto duit ko urakng bukai. Jangan bulah boko tuduhan inyo kinyo bondar, oca' mondapat kountukan diri siku'. Jadi cukupancam diri kaitn agatn upah kaitn.”

Lukas 8:14

Bonih inyo jatu' di tongah rado duri samo sama'an boko urakng inyo mondingaꞌ pomandiran Allah, apo manah komanahannyo, sia' mula'i hala momikiran bogoyap kodampuan huatan kosonangan di dunia ni'in. Somuo hal nantai mongopih sia' sampai kinyo hidup sosuai agatn pomandiran Allah. Samo sama'an tontanaman dikopihan rado duri sampai kinyo mohasilan buah inyo mansa'.

Roma 1:29

Sia' kinyo hidup bondar di hadapan Allah. Hati sia' jahat huatan tama'. Sia' mombonci' huatan mooso tungi agatn urakng bukai. Sia' hala honda' botikakng ongko mombunuh urakng bukai. Sia' monipu huatan mondondapm.

1 Korintus 5:11

Apo ni'in aku monulis oca' kaitn co bokawal agatn urakng inyo mongaku' pocayo ko Yesus, apo io ija' bomporajoan, ija' kaha', ija' monyombah lompatukng, gala' bojahat urakng bukai, gala' komabu'an, huatan ija' morampas barakng urakng. Jangan sampai makatn pan bosamo urakng sama'an nian.

1 Korintus 6:10

boko urakng inyo mongolit, boko urakng inyo kaha', boko urakng inyo gala' mabu', boko urakng inyo gala' monjahai'an urakng bukai, boko urakng inyo morampas umputn urakng bukai. Somuo urakng sama'an nian pasti kinyo paca'an mondapat bagian dalapm Koraja'an Allah.

2 Korintus 4:9

Boko urakng momusuhi koi, apo Allah co moninggalan koi sonsiku'an. Boko urakng sampai mohompasan koi, apo koi co mati.

Efesus 5:3

Jangan bulah dosa bomporajoan. Jangan bulah boko hal inyo kinyo sonunuh. Jangan kaha'-kolobu'. Boko hal nantai samo sokali kinyo cucu' pakai' umant husus umputn Allah.

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

1 Timotius 3:3

Io co ulih jadi urakng pomabu'. Io co ulih jadi urakng inyo hala boporap apo gola' lomah-lombut. Io co ulih jadi urakng ponggodian. Io co ulih kaha' agatn duit.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.

Yudas 1:11

Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.