Ibrani 13:22 - Porjanjian Boharu Torjomahan Baso Dilakng Soari-ari

²² Boko somadikan, aku muhun oca' kaitn sabar monorima' somuo nosihatku dalapm surat. Obai, suratku ko kaitn ni'in kinyo panjakng.

Ibrani 13:22 ပူးပေါင်းရင်းမြစ်များ

Kisah Boko Rasul 13:15

Sama'an biaso ado urakng inyo mombaco doi' boko poraturan Allah inyo ditulis Musa dalapm Hukupm Torat. Ado jam inyo mombaco doi' boko buku inyo ditulis boko nabi. Lopas nantai, boko pomimpitn rumah sombayakng nantai monyiuh urakng monyampaian posatn ko Paulus ongko Barnabas. Kato sia', “Mungkitn boko somadikan ado posatn pakai' monguat'an hati somuo koi di si'itn. Aman ado, pandiran ja'am.”

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

Galatia 6:11

Pontiat'ancam kotakng bosar tulisan ni'in. Aku monulis agatn jariku siku'.

Efesus 3:3

Sio momboritoan ko aku roncana-Nyo inyo komai kinyo dikotohu'i monsio. Di pucu' Aku udah monulis socaro panda' ko kaitn mongona'i hal nantai.

Ibrani 12:5

Jangan kolupatn nosihat ni'in doi' Buku Suci inyo disampaian ko kaitn sobagai poana'an: “Ana'ku! Aman Tuhatn mondidik kolai, jangan disopelean nantai. Aman Sio monogur kolai, jangan putus asa.

Ibrani 13:19

Hususnyo, aku muhun ko kaitn pakai' mondoa'an ku oca' aku suba' hagar bobali' ko kaitn.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Ibrani 4:11

Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

1 Petrus 5:12

Aku monulis surat singkat ni'in di tulukng Silas. Io nam somadikan, somadikan soiman inyo sotia. Aku monulis surat ni'in pakai' momadahi huatan moonji'i somangant ko kaitn. Aku pan honda' oca' kaitn yakitn obai isi suratku ni'in bondar-bondar mongona'i koboi'an Allah. Kaitn gola' totap hidup dalapm koboi'an-Nyo nantai.